ნეტგაზეთი • RU

ხვალ დედამიწის მოსახლეობა 8 მილიარდი გახდება – გაერო

ხვალ, 15 ნოემბერს, გაეროს პროგნოზით, მსოფლიოს მოსახლეობა 8 მილიარდ ადამიანს მიაღწევს. გაეროს გენერალური მდივნის, ანტონიო გუტარეშის თქმით, ეს უპრეცედენტო ზრდა გამოწვეულია მეცნიერული მიღწევებით, ასევე კვების დარგში, საზოგადოებრივი ჯანდაცვისა და სანიტარული პირობების გაუმჯობესებით.

ზოგიერთ ქვეყანაში ეს ასევე არის შობადობის მაღალი და მდგრადი მაჩვენებლის შედეგი. „მაგრამ რაც უფრო ფართოვდება ჩვენი ადამიანური ოჯახი, ის ასევე უფრო დაყოფილია“, – ამბობს ის.

შობადობის ყველაზე მაღალი მაჩვენებლის მქონე ქვეყნები, როგორც წესი, ყველაზე დაბალი შემოსავლის მქონე ქვეყნებია. ამიტომ, დროთა განმავლობაში, გლობალური მოსახლეობის ზრდა სულ უფრო მეტად კონცენტრირდება მსოფლიოს უღარიბეს ქვეყნებში, რომელთა უმეტესობა სუბსაჰარის აფრიკაშია. გაერო წერს, რომ ამ ქვეყნებში მოსახლეობის სწრაფმა ზრდამ შეიძლება ხელი შეუშალოს მდგრადი განვითარების მიზნების მიღწევას, რომლებიც რჩება მსოფლიოს საუკეთესო გზად ბედნიერი და ჯანსაღი მომავლისკენ.

„მილიარდობით ადამიანი იბრძვის; ასობით მილიონი ადამიანი შიმშილობს, რეკორდული რიცხვი ადამიანებისა, ვალებისგან გათავისუფლების, ომისა და კლიმატური კატასტროფებისგან თავის დაღწევის ძიებაშია.

თუ ჩვენ არ დავძლევთ უზარმაზარ უფსკრულს გლობალურ ქონასა და უქონლობას შორის, ჩვენ ვქმნით 8 მილიარდიან სამყაროს, რომელიც სავსეა დაძაბულობითა და უნდობლობით, კრიზისითა და კონფლიქტით,“ – წერს გარემოს გენერალური მდივანი, ანტონიო გუტარეში თავის განცხადებაში.

ანტონიო გურტარეში განცხადებაში ამბობს, რომ კაცობრიობა პირდაპირ მიექანება კლიმატური კატასტროფისკენ, მაშინ, როცა ემისიები და ტემპერატურა აგრძელებს ზრდას.

უკრაინის ომი ემატება მუდმივ სასურსათო, ენერგეტიკულ და ფინანსურ კრიზისს, რაც ყველაზე მეტად აზიანებს განვითარებად ეკონომიკას. ეს უთანასწორობა ყველაზე დიდ ზარალს აყენებს ქალებსა და გოგონებს და მარგინალიზებულ ჯგუფებს, რომლებიც უკვე განიცდიან დისკრიმინაციას.

გაეროს მონაცემებით, მიუხედავად იმისა, რომ გლობალურ მოსახლეობას 7-დან 8 მილიარდამდე გაზრდას დასჭირდა 12 წელი, დაახლოებით 15 წელი, 2037 წლამდე, დასჭირდება 9 მილიარდის მიღწევს. ეს იმის ნიშანია, რომ გლობალური მოსახლეობის ზრდის ტემპი შენელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან