„მერაბ ცეცხლაძე გადაადგილდებოდა ბათუმში ავტომანქანით, რა დროსაც მან მანქანის სალონიდან პირდაპირ ქუჩაში გადმოაგდო თამბაქოს კოლოფი“, – ასე აღწერა შემთხვევა გარემოს დაცვის ზედამხედველობის დეპარტამენტის იურისტმა, ლანა კიკავამ სასამართლო პროცესზე. მან პირის სამართალდამრღვევად ცნობა და მისთვის ჯარიმის – 120 ლარის გადახდა მოითხოვა.
„არ მესმის ამ სისტემის არაფერი. იქვე ახლო-მახლო ნაგვის ურნა ვერ შევნიშნე და ამიტომ გავაკეთე. ვაღიარებ, არ უნდა მექნა, დამაჯარიმეთ, თუ არაა სხვა გამოსავალი“, – მიმართა მოსამართლეს მერაბ ცეცხლაძემ. ის მოსამართლე ლაშა თავართქილაძემ 120 ლარით დააჯარიმა.
გარემოს დაცვის ზედამხედველობის დეპარტამენტის იურისტის ინფორმაციით, ეს არაა პირველი შემთხვევა და მსგავს შემთხვევებს ყოველთვის სასამართლო განიხილავს.
