ნეტგაზეთი • RU

ბათუმის საკრებულოს თავმჯდომარის ხელფასი იზრდება და 5 500 ლარი იქნება

მერიის პარალელურად ხელფასებს ბათუმის საკრებულოშიც გაიზრდიან. იზრდება საკრებულოს თავმჯდომარის ხელფასიც, 2021 წლის ნოემბერში დამტკიცებული ცვლილების მიხედვით საკრებულოს თავმჯდომარის ხელფასი 5060 ლარი იყო. დაგეგმილი ცვლილების დამტკიცების შემდეგ კი 5500 ლარი იქნება.

საკრებულოს თავმჯდომარის პირველი მოადგილის ხელფასი 4100 ლარი იქნება, კიდევ ორი მოადგილე კი ხელფასის სახით 3800 ლარს მიიღებს.

საკრებულოს კომისიებისა და ფრაქციების თავმჯდომარეების ანაზღაურება ამ დრომდე 2900 ლარი იყო, ცვლილების შემდეგ 3520 ლარი იქნება. ფრაქციების მოადგილეებს კი ხელფასის სახით 2500 ლარი დაერიცხებათ.

ამ დროისთვის საკრებულოში ორი ფრაქციაა დარეგისტრირებული, „ოცნების“ ფრაქცია და „ერთიანი ნაციონალური მოძრაობის“ ფრაქცია. „ოცნების“ფრაქციის თავმჯდომარეს ხუთი მოადგილე ჰყავს, ხოლო ენმ-ის ფრაქციას 4. საკრებულოში ხუთი კომისია მუშაობს.

რაც შეეხება საკრებულოს აპარატს, აპარატის  უფროსის ხელფასი, ცვლილების შემდეგ, 3520 ლარი ინება[ ამ დრომდე 3190 ლარი იყო]. საკრებულოს მეორე კატეგორიის უფროსი სპეციალისტის ხელფასი 1760 ლარი იქნება, მესამე კატეგორიის უფროსი სპეციალისტის ხელფასი კი 1650 ლარი. განყოფილების უფროსები 2750 ლარს მიიღებენ.

820 ლარამდე იზრდება საკრებულოს რიგითი წევრის უფლებამოსილების ხარჯიც. [ ამ დრომდე 750 ლარი იყო]

თანამდებობრივი სარგოების განაწილების შესახებ დადგენილებაში ცვლილების დამტკიცებას საკრებულო 31 ოქტომბერს სხდომაზე გეგმავს.

ბათუმის მერმა ხელფასების გაზრდის თხოვნით საკრებულოს მიმართა

ნეტგაზეთის მასალების სხვა გამოცემებში გადაბეჭდვის წესი
ავტორი