მთავარი,სიახლეები

რუსები სავარაუდოდ ქალაქ ხერსონში ბრძოლისთვის ემზადებიან – ბრიტანეთის დაზვერვა

13.10.2022 • 1211
რუსები სავარაუდოდ ქალაქ ხერსონში ბრძოლისთვის ემზადებიან – ბრიტანეთის დაზვერვა

დიდი ბრიტანეთის დაზვერვის ინფორმაციით, ბოლო დღეებში, რუსეთის საოკუპაციო ძალებმა ბრძანება გასცეს ხერსონიდან მოქალაქეთა ევაკუაციის მზადების შესახებ. სავარაუდოდ, ისინი ელიან, რომ ბრძოლა უშუალოდ ქალაქ ხერსონში გადაინაცვლებს.

უწყების ცნობით, მას შემდეგ, რაც ოქტომბერში, ხერსონის სექტორიდან რუსმა სამხედროებმა დაახლოებით 20 კილომეტრით დაიხიეს უკან, ახლა ისინი სოფელ მილოვესთან ახალი ფრონტის ხაზის გამაგრებას ცდილობენ.

„მძიმე ბრძოლები გრძელდება ამ ხაზის გასწვრივ, განსაკუთრებით დასავლეთ კიდეში, სადაც უკრაინელთა შეტევა ნიშნავს, რომ მდინარე ენგულეცს რუსეთის ფლანგი უკვე ვეღარ დაიცავს. რუსეთის ჯარების დიდი ნაწილი ფრონტის წინა ხაზზე კვლავაც დაუკომპლექტებელი საჰაერო-სადესანტო ძალებისგან შედგება,“ – წერს უწყება 13 ოქტომბრის რელიზში.

გაერთიანებული სამეფოს თავდაცვა უკრაინის შესახებ სადაზვერვო ცნობარს ყოველდღიურად აქვეყნებს. გუშინდელ რელიზში უწყება უკრაინაში რუსეთის საჰაერო პოტენციალს აფასებდა.

დაზვერვის შეფასებით, ირანული უპილოტო საფრენი აპარატები, რომლებსაც რუსეთი უკრაინაში აგვისტოს შემდეგ იყენებს, ნელია და დაბალ სიმაღლეზე დაფრინავს, რაც მათ ჩვეულებრივი ჰაერსაწინააღმდეგო თავდაცვის საშუალებებისთვისაც კი იოლ სამიზნეებად აქცევს.

გადაბეჭდვის წესი


ასევე: