მწერალთა სახლი დავით კლდიაშვილის 160 წლის იუბილეს აღსანიშნავად ლიტერატურულ კონკურსს აცხადებს უფროსკლასელთათვის.
კონკურსში მონაწილეობა შეუძლიათ საჯარო და კერძო სკოლების IX-XII კლასის მოსწავლეებს. მოსწავლეებმა დავით კლდიაშვილის შემოქმედების მიხედვით ორი შეთავაზებული თემიდან უნდა დაწერონ და საკონკურსოდ წარადგინონ ერთ-ერთი.
ეს თემებია:
- რატომ და როდის იცინიან დავით კლდიაშვილის პერსონაჟები?
- ჩემი საყვარელი მოთხრობა დავით კლდიაშვილის შემოქმედებიდან
საკონკურსო ნაწარმოებების მიღების ბოლო ვადაა 18 ნოემბერი.
საკონკურსო ესეები უნდა გაგზავნოთ ელექტრონული სახით მისამართზე: nbekishvili@writershouse.ge.
ნაშრომი უნდა იყოს Microsoft word-ში ქართული უნიკოდით (შრიფტი – Sylfaen, ზომა – 12) აკრეფილი და არ უნდა აღემატებოდეს 5 გვერდს (1000 სიტყვას). მიუთითეთ სახელი, გვარი, რეგიონი, სკოლა და საკონტაქტო ტელეფონი. კონსულტაციისთვის დარეკეთ: 593393866 (ნინო ბექიშვილი).
კონკურსში გამარჯვებულები დაჯილდოვდებიან წიგნის მაღაზია „ბიბლუსის“ ვაუჩერებით:
I პრემია:- 300-ლარიანი ვაუჩერი
II პრემია: 200-ლარიანი ვაუჩერი
III პრემია: 100-ლარიანი ვაუჩერი
მწერალთა სახლის ცნობით, ესეებს შეაფასებს ჟიური, რომელიც მწერალთა სახლის თანამშრომლებისგან შედგება. დაჯილდოება გაიმართება დეკემბერში, მწერალთა სახლში. გამარჯვებული მოსწავლეების მგზავრობას რეგიონებიდან ფინანსურად მწერალთა სახლი უზრუნველყოფს. ასევე უზრუნველყოფილი იქნება მათი ღამისთევა.
