მთავარი,სიახლეები

ღამით რუსებმა კიევის ოლქის ქალაქი ბილა ცერკვა დაბომბეს

05.10.2022 • 1023
ღამით რუსებმა კიევის ოლქის ქალაქი ბილა ცერკვა დაბომბეს

5 ოქტომბრის ღამით, რუსებმა კამიკაძე დრონებით შეუტიეს კიევის ოლქის ქალაქს, ბილა ცერკვას. კიევის ოლქის სახელმწიფო ადმინისტრაციის ინფორმაციით, ექვსი დარტყმა განხორციელდა და რაკეტის ჩამოვარდნის ადგილას ხანძარი გაჩნდა. დაშავებულია ერთი ადამიანი.

„კიევის ოლქი. არის ინფორმაცია რამდენიმე აფეთქების შესახებ. წინასწარი ინფორმაციით, ქალაქს კამიკაძე-დრონებით დაარტყეს. იწვის ინფრასტრუქტურის ობიექტები. ერთი დაშავებულია. შესაბამისი სამსახურები უკვე ადგილზე არიან,“ – განაცხადა ღამით ადმინისტრაციის უფროსმა ოლექსი კულებამ და უკვე დილის 8 საათზე დააზუსტა, რომ მთელი ღამის განმავლობაში 6 რაკეტა ჩამოაგდეს.

მოსახლეობისთვის გაფრთხილება გაავრცელა ქალაქის მერმაც, რომელმაც მცხოვრებლებს მოუწოდა, არ მიუახლოვდნენ ფანჯრებს, ვიდრე ხანძარს მაშველები ბოლომდე არ ჩააქრობენ.

ბილა ცერკვა ცენტრალურ უკრაინაში, კიევის ოლქის ერთ-ერთი ყველაზე დიდი ქალაქია 200 000-ზე მეტი მცხოვრებით.

უკრაინულ ტელეგრამარხებზე ვრცელდება ინფორმაცია, რომ კიევში კამიკაძე დრონები ყირიმიდან მოფრინდა

გადაბეჭდვის წესი


ასევე: