ბათუმში, ახალი ბულვარის მიმდებარედ, ახალ პირსს აშენებენ. აქ არსებული პირსი წელს შტორმის შედეგად დაზიანდა და სახიფათო გახდა.
პირსის სამშენებლო ტერიტორია ნაწილობრივ შემოღობილია. აქ განთავსებული საინფორმაციო დაფის მიხედვით, მშენებლობის ნებართვა ქალაქ ბათუმის მერიის მიერაა გაცემული 2022 წლის ივლისში და ის 2023 წლის 13 მაისამდეა ძალაში.
დაფაზე აღნიშნულია, რომ მიმდინარეობს პირსის რეკონსტრუქცია, თუმცა აქ არსებული პირსი, რომელიც ზღვამ დააზიანა, დანგრეულია და ახალი ნაგებობა შენდება.
ტერიტორია, სადაც შენობაც დგას და პირსი შენდება, ქალაქ ბათუმის მუნიციპალიტეტის საკუთრებაშია და ის იჯარით შპს „გთემ ჰოსპითალითი გრუპიზე“ იჯარითაა გადაცემული.
საინფორმაციო დაფის მიხედვით, პირსს სწორედ ეს კომპანია აშენებს.
ამავე თემაზე:
რა ელის ბათუმის პრომინადს, რომელიც შტორმმა ჩამოშალა – კვლევისთვის 19 700 ლარი გამოიყო