რუსეთის პრეზიდენტის, ვლადიმერ პუტინის პრესმდივანი, დმიტრი პესკოვი აცხადებს, რომ რუსეთი მზადაა უკრაინასთან მოლაპარაკებისთვის, მაგრამ მოლაპარაკების პირობები იცვლება.
„პრეზიდენტი პუტინი ამბობდა, რომ რუსეთი, რა თქმა უნდა, ინარჩუნებს მოლაპარაკების მზაობას. მაგრამ სიტუაციის შეცვლასთან ერთად, იცვლება პირობებიც, ეს არაერთხელ ვთქვით.
მაგრამ პრინციპი იგივე რჩება – სამხედრო ოპერაციის ყველა მიზანი. მაგრამ ამ შემთხვევაში მოლაპარაკებებზეც [პუტინისა და ერდოღანის] ითქვა, რომ უკრაინულმა მხარემ მთლიანად დატოვა მოლაპარაკება, ამიტომაც სპეციალური ოპერაცია გრძელდება“ – თქვა პესკოვმა. მის კომენტარს რუსული მედია ავრცელებს.
23 სექტემბერს კრემლმა დონეცკის, ლუგანსკის, ხერსონის ოლქების და მელიტოპოლის ოკუპირებულ ნაწილში ე.წ. „რეფერენდუმის“ ჩატარება დაიწყო ამ რეგიონებთან რუსეთთან შეერთების შესახებ.
მანამდე უკრაინის პრეზიდენტმა, ვოლოდიმირ ზელენსკიმ განაცხადა, რომ ოკუპირებულ ტერიტორიებზე ე.წ. „რეფერენდუმების“ შემდეგ რუსეთის პრეზიდენტ ვლადიმერ პუტინთან მოლაპარაკება შეუძლებელი გახდება.
მედიის ცნობით, რუსეთმა შესაძლოა 30 სექტემბერს დონეცკის, ლუგანსკის, ხერსონისა და ზაპოროჟიეს ოლქების ოკუპირებული რეგიონების „ანექსია“ გამოაცხადოს.
