„2022 წლის 25 სექტემბრის სატელიტური ფოტოებია აჩვენებს გრძელ საცობს მანქანებისას, რომლებიც უკრაინაში ომისთვის პუტინის მიერ მობილიზაციის გამოცხადების შემდეგ, ტოვებენ რუსეთს და ლარსის გამშვებ პუნქტზე საქართველოს საზღვრის გადაკვეთას ცდილობენ“, – წერს Maxar Technologies ტვიტერში და სატელიტურ ფოტოებს აქვეყნებს.
მაქსარი კოსმოსური ტექნოლოგიებისა და დაზვერვის კომპანიაა, რომელიც სატელიტის საშუალებით იღებს თანამგზავრულ სურათებს.
#SatelliteImagery from September 25, 2022 shows a large traffic jam of vehicles leaving #Russia and attempting to cross the border into #Georgia, at the Lars checkpoint, following Russian President Putin’s mobilization order for the war in #Ukraine. pic.twitter.com/iHUsC8hYs2
— Maxar Technologies (@Maxar) September 26, 2022
დღეს, 27 სექტემბერს, საქართველოს შს მინისტრმა ვახტანგ გომელაურმა ლარსის გამშვებ პუნქტთან შექმნილ ვითარებაზე განაცხადა, რომ „დაახლოებით 4-5 დღის წინ 5-6 ათასამდე იყო შემომსვლელები და ახლა გაიზარდა სადღაც 10 ათასამდე, 40-45 პროცენტით მოიმატა… გუშინ იყო მაგალითად 11 200 ადამიანი, გუშინწინ 10 400-მდე იყო, თუ არ ვცდები…. და არა 250 ათასი და 2 მილიონი. არ ვიცი საიდან მოგაქვთ“.
რუსულმა მხარემ დღეს განაცხადა, რომ რუსეთ-საქართველოს საზღვარზე, ზემო ლარსის სასაზღვრო გამშვებ პუნქტზე, რუსეთი სამხედრო აღრიცხვისა და გაწვევის სამობილიზაციო პუნქტს მოაწყობს. ინფორმაციას რუსეთის ფედერაციაში შემავალი ჩრდილოეთ ოსეთი შინაგან საქმეთა სამინისტრო ავრცელებს.
დეტალურად: რუსეთი ამბობს, რომ ლარსზე სამხედრო-სამობილიზაციო პუნქტს მოაწყობს
რუსული სახელმწიფო მედიის, TASS-ის თანახმად, გუშინდელი მდგომარეობით, საქართველოს საზღვარზე რუსული საბაჟო პუნქტი „ზემო ლარსი“ ერთი კვირის განმავლობაში ორივე მიმართულებით 37 000-ზე მეტმა მანქანამ და 115 000-ზე მეტმა ადამიანმა გადაკვეთა. რუსული TASS-ის თანახმად, ეს ინფორმაცია მათ რუსეთის ფედერაციაში შემავალი ჩრდილოეთ ოსეთის ვიცე-პრემიერმა, ირბეკ ტომაევმა დაუდასტურა.
ფოტო მაქსარა: თანამგზავრულ ფოტო
