ხულოსა და ქედის მუნიციპალიტეტში მდებარე რამდენიმე ობიექტს, საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ბრძანებით, კულტურული მემკვიდრეობის ძეგლის სტატუსი მიენიჭა.
ეს ობიექტებია:
„თამარ მეფის წყარო“ – ქედის მუნიციპალიტეტი, სოფელი პირველი მაისი – XI-XIII საუკუნეები; სახეობა – არქიტექტურის / არქეოლოგიური:
შუა საუკუნეების წყარო – ქედის მუნიციპალიტეტი, სოფელი კოლოტაური (ჯინისის უბანი) – განვითარებული შუა საუკუნეები; სახეობა – არქიტექტურის / არქეოლოგიური:
შუა საუკუნეების წყარო – ქედის მუნიციპალიტეტი, სოფელ კოლოტაური – განვითარებული შუა საუკუნეები; სახეობა – არქიტექტურის / არქეოლოგიური:
ახმედ ბეგ ხიმშიაშვილის სახლი – ხულოს მუნიციპალიტეტი, დაბა ხულო, ტბელ აბუსერისძის ქუჩა N5 – XIX საუკუნის 20-იანი წლები; სახეობა – არქიტექტურის / მემორიალური:
„ბეგების სასაფლაო“ – ხიმშიაშვილთა საგვარეულო საძვალე – ხულოს მუნიციპალიტეტი, სოფელი დეკანაშვილები – XIX საუკუნე; სახეობა – არქიტექტურის / მემორიალური:
კულტურული მემკვიდრეობის დაცვის ეროვნული სააგენტოს გენერალური დირექტორის ამავე ბრძანებით, ძეგლის სტატუსი ასევე მიენიჭა კიდევ 11 ობიექტს ქვეყნის სხვადასხვა მუნიციპალიტეტში.
მინისტრის ბრძანებით, რომელიც 2022 წლის 14 სექტემბრიდან ამოქმედდა:
- საქართველოს კულტურული მემკვიდრეობის დაცვის ეროვნული სააგენტოს საინფორმაციო სისტემების სამსახურს დაევალა მითითებული ობიექტების მონაცემების ძეგლთა სახელმწიფო რეესტრში ასახვა.
- სააგენტოს ადმინისტრაციას კი – ამ ბრძანების ამოქმედებიდან ერთი თვის ვადაში მითითებული ობიექტების მონაცემების საქართველოს კულტურის, სპორტისა და ახალგაზრდობის სამინისტროს ინტერნეტგვერდზე ასახვის მიზნით შესაბამისი ღონისძიებების განხორციელება.
ამავე თემაზე:
დაბა ხულოში, ახმედ ბეგ ხიმშიაშვილის სახლის შესახებ „ბათუმელები“ რამდენიმე თვის წინაც წერდა, რომ შენობას ძეგლის სტატუსი არ ჰქონდა. ნახეთ ვრცლად:
მე-19 საუკუნის შენობა ხულოში ძეგლის სტატუსის გარეშე – რესურსცენტრი ხიმშიაშვილების სახლში
