„მადლობა პარტნიორებს, უკრაინის წარმატება ბრძოლის ველზე ჩვენი საერთო წარმატებაა“, – წერს უკრაინის საგარეო საქმეთა მინისტრი დმიტრო კულება.
კულებას თქმით, უკრაინა გაზაფხულიდან ითხოვდა იარაღს პარტნიორებისგან, რაზეც დადებითი პასუხი მიიღო, ახლა კი ყველაზე მნიშვნელოვანი მოწოდების დაჩქარებაა – „სწრაფი მომარაგება გამარჯვებას და მშვიდობას აახლოებს“.
„იარაღი, იარაღი, იარაღი – ჩვენს დღის წესრიგში გაზაფხულიდან დგას. მადლობელი ვარ პარტნიორების, რომლებმაც უპასუხეს ჩვენს მოწოდებას: უკრაინის წარმატებები ბრძოლის ველზე ჩვენი საერთო წარმატებებია. დღის წესრიგში ახლა სამი საკითხია – განრიგი, განრიგი და განრიგი. სწრაფი მომარაგება გამარჯვებას და მშვიდობას აახლოებს“, – წერს უკრაინის საგარეო საქმეთა მინისტრი.
Weapons, weapons, weapons have been on our agenda since spring. I am grateful to partners who have answered our call: Ukraine’s battlefield successes are our shared ones. Three agenda items now are schedule, schedule, and schedule. Prompt supplies bring victory and peace closer.
— Dmytro Kuleba (@DmytroKuleba) September 11, 2022
უკრაინის სამხედრო ძალებმა, ბოლო დღეებში წარმატებული კონტრშეტევა განახორციელეს ხარკოვის მიმართულებით. ომის კვლევის ინსტიტუტის (ISW) თანახმად, უკრაინულმა შეტევამ ხარკოვის ოლქში დააბნია რუსული ძალები და სრულიად ჩამოშალა დონბასის შეტევის ჩრდილოეთ მიმართულება. ISW წერს, რომ უკრაინამ 5 დღეში იმაზე მეტი ტერიტორია დაიკავა, ვიდრე რუსეთმა აპრილის შემდეგ
უკრაინის პრეზიდენტ ვოლოდიმირ ზელენსკის 10 სექტემბრის განცხადებით, სექტემბრის დასაწყისიდან უკრაინის შეიარაღებულმა ძალებმა დამპყრობლებისგან გაათავისუფლეს დაახლოებით 2 000 კვადრატული კილომეტრი ტერიტორია.
უკრაინის შეიარაღებული ძალების გენერალური შტაბის 11 სექტემბრის მონაცემებით, დღემდე რუსეთის არმიის საბრძოლო დანაკარგი არის: ცოცხალი ძალა – დაახლოებით 52 650 ადამიანი, ასევე ათასობით სხვადასხვა სამხედრო ტექნიკა.
