უკრაინის პრეზიდენტის მრჩეველი, მიხაილო პოდოლიაკი წერს, რომ უკრაინა ამუშავებს მარშრუტს ოკუპირებული ყირიმიდან იქ მცხოვრებთა ევაკუაციისთვის. ეს იქნება მათთვის, ვინც მოინდომებს აქტიური დეოკუპაციის დროს ნახევარკუნძულის დატოვებას.
„ჩვენ უკვე ვამუშავებთ საევაკუაციო მარშრუტებს ოკუპირებული ყირიმის მცხოვრებთათვის, რომლებიც აქტიური დეოკუპაციის დროს მოინდომებენ ნახევარკუნძულის დატოვებას. ამჯერად კი ყველას ვთხოვთ, რაც შეიძლება შორს დაიჭირონ თავი სამხედრო ობიექტებისგან და გადაამოწმონ თავშესაფრები“, – წერს ის.
პოდოლიაკი ხაზგასმით აღნიშნავს, რომ მოქალაქეების სიცოცხლე უკრაინისთვის უპირობოდ პრიორიტეტულია.
Зрозуміло, що для 🇺🇦 життя громадян – безумовний пріоритет. Тому ми вже розробляємо евакуаційні маршрути для жителів окупованого Криму, охочих покинути півострів на час активної деокупації. Поки ж просимо всіх триматися якомога далі від військових об’єктів і перевірити укриття.
— Михайло Подоляк (@Podolyak_M) August 30, 2022
პოდოლიაკმა დღეს კიდევ ერთი ტვიტი მიუძღვნა ოკუპირებულ ტერიტორიებს. უკრაინის პრეზიდენტის მრჩევლის თქმით, ბოლო კვირების განმავლობაში ოკუპირებულ ტერიტორიებზე გააქტიურდნენ „რუ.სამხედროებისა და კრიმინალებისგან ორგანიზებული დანაშაულებრივი ჯგუფები. ისინი ძარცვავენ ბიზნესებს, ფერმერებს და აცამტვერებენ ქარხნებს, მოპარული საქონელი კი მიაქვთ 🇷🇺-ში“.
პოდოლიაკი აფრთხილებს ყველა მაროდიორს, რომ მათ აუცილებლად დაეკისრებათ პასუხისმგებლობა და ელით პოლიციის სპეციალური ოპერაცია.