ნეტგაზეთი • RU
omi

დავარტყით ოკუპანტების პუნქტებს ხერსონში, ნოვა კახოვკასა და დარიევკაში – „სამხრეთი“

უკრაინის შეიარაღებული ძალების ოპერატიული სარდლობა „სამხრეთის“ ცნობით, უკრაინის შეიარაღებული ძალების სარაკეტო და საარტილერიო დანაყოფებმა დაარტყეს რუსული ჯარების სამ სამეთაურო პუნქტს ხერსონსა და დარიევკაში, ასევე რუსეთის 35-ე არმიის შტაბს ნოვა კახოვკაში.

ასევე, დაზიანდა რუსეთის საბრძოლო მასალის საწყობები ლიუბიმოვკასა და ხერსონში.

„სამხრეთი“ აცხადებს, რომ დღეის მონაცემებით, ხიდი და გადასასვლელი მდინარე ინგულეცზე ხერსონთან ახლოს დარიევკაში უკრაინის შეიარაღებული ძალების ცეცხლის კონტროლის ქვეშაა, დაზიანებულია და არ ფუნქციონირებს.

ხიდი მდინარე ინგლუზეცზე ერთადერთი გადასასვლელია, რომლის გამოყენებაც რუსეთის ჯარებს შეუძლიათ იარაღის, აღჭურვილობისა და საწვავის გადასატანად ნოვაია კახოვკადან ხერსონში, დნეპრის მარჯვენა სანაპიროზე.

__________

ფოტო: ოპერატიული სარდლობა „სამხრეთი“/facebook

ამავე თემაზე: 

„წყალწაღებული რომ ხავსს ეჭიდება, ისე ელოდება რუსეთი ზამთარს“ – გადამდგარი გენერალი

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.