ნეტგაზეთი • RU

დღეიდან ბათუმის სასწრაფოს 7 მოტომედიკოსი დაემატა

დღეიდან, 13 აგვისტოდან, ბათუმში მოტომედიკოსები გამოჩნდებიან. მოტომედიკოსები სასწრაფო დახმარების სამსახურში იმუშავებენ. მათი მიზანი გამოძახებაზე სწრაფად მისვლა იქნება.

პროექტს საგანგებო სიტუაციების კოორდინაციისა და გადაუდებელი დახმარების ცენტრი ახორციელებს.

„იქნება ეფექტური, ვიწრო და რთული გამავლობის ქუჩებში, საზოგადოებრივი თავშეყრის ადგილებსა და საკურორტო ზოლებში გადაუდებელი დახმარების შემთხვევებზე გაიზრდება ოპერატიულობა.

მოტომედიკოსის ისეთ გადაუდებელ შემთხვევებზე რეაგირება, როგორიცაა ავტოსაგზაო შემთხვევები, პაციენტის უგონო მდგომარეობა, ტრავმები, გულის გაჩერება, მნიშვნელოვნად გაზრდის ადამიანის სიცოცხლის გადარჩენის შანსებს,“- ნათქვამია საგანგებო სიტუაციების კოორდინაციისა და გადაუდებელი დახმარების ცენტრის მიერ გავრცელებულ რელიზში.

პირველ ეტაპზე ბათუმში 7 მოტომედიკოსი იმუშავებს. სამედიცინო მოტოციკლები მსოფლიო ბანკის დახმარებით შეიძინეს. მოტომედიკოსები კი სასწავლო ცენტრსი გადაამზადეს.

ნეტგაზეთის მასალების სხვა გამოცემებში გადაბეჭდვის წესი
ავტორი