მარიუპოლის მერის ვადიმ ბოიჩენკოს ინფორმაციით, რუსები სექტემბერში უკრაინის დამცველების წინააღმდეგ საჩვენებელი სასამართლოს გამართვას გეგმავენ. ბოიჩენკოს თქმით, ამ სასამართლოსთვის რუსი ოკუპანტები მარიუპოლის ფილარმონიის სცენაზე რკინის გალიებს აწყობენ.
ქალაქის მერი აქვეყნებს ფოტოებსაც, რომლებზეც ჩანს სცენაზე დადგმული რამდენიმე გალია და ის, რომ სამუშაოები გრძელდება. მისი თქმით, გალიები აწყობილია არმატურით, რომლის დიამეტრიც 20 მილიმეტრია.
„რუსი ოკუპანტები განაგრძობენ საერთაშორისოდ აღიარებული ნორმების უგულებელყოფას. განაგრძობენ ომის დანაშაულებს და მთელი ცივილიზებული მსოფლიოს აბუჩად აგდებას. მივმართავ მსოფლიო საზოგადოებას, გაეროს, წითელ ჯვარს, ჩაერიონ ამ სიტუაციაში, რომ სამხედრო ტყვეებისადმი მოპყრობის საერთაშორისო წესებმა იმუშაოს. ყველაფერი უნდა გავაკეთოთ, რომ ჩვენი დამცველები უკრაინაში ცოცხლები დაბრუნდნენ და არ უნდა დავუშვათ მეორე ელენოვკა მარიუპოლში“, – წერს ვადიმ ბოიჩენკო.
მთავარი ფოტო: ვადიმ ბოიჩენკოს მიერ გავრცელებული ფოტოები
„აზოველები“ დახოცვამდე აწამეს, რუსეთი მათ გაცვლას არ აპირებდა – უკრაინის დაზვერვა
