ნეტგაზეთი • RU

ქედაში ძენწმანის მეჩეთს რეაბილიტაციას ჩაუტარებენ

ქედის სოფელ ძენწმანში ხის მეჩეთის [ჯამეს] რეაბილიტაცია იგეგმება. სარეაბილიტაციო სამუშაოების შესყიდვაზე ტენდერი აჭარის კულტურული მემკვიდრეობის დაცვის სააგენტომ 188 ათასი ლარით გამოაცხადა. შენობა კულტურული მემკვიდრეობის ძეგლია.

ტენდერში გამარჯვებულმა მეჩეთზე სამუშაოები უნდა განახორციელოს სააგენტოს მიერ მომზადებული პროექტის შესაბამისად, რომელიც სატენდერო დოკუმენტაციას ახლავს თან.

ძენწმანის მეჩეთის ინტერიერი / წყარო: ტენდერი

ტენდერში წინადადებების მიღება 2022 წლის 19 აგვისტოს დაიწყება და 24 აგვისტოს დასრულდება.

მეჩეთის რეაბილიტაცია 2022 წლის 11 დეკემბრამდე უნდა დასრულდეს.

პირობის მიხედვით: „განხორციელებულ სამუშაოებზე ვრცელდება საგარანტიო პერიოდი 10 წელი. საგარანტიო პერიოდის ათვლა იწყება მიღება-ჩაბარების აქტის გაფორმების დღიდან“.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com