მთავარი,სიახლეები

აჭარის მთავრობა: ბულვარის კონსერვაცია წელს ვერ მოხდება

17.04.2016 • 2195
აჭარის მთავრობა: ბულვარის კონსერვაცია წელს ვერ მოხდება

ბათუმში, ევროპის მოედანზე ძველი ბულვარის დასაცავად გამართულ აქციას აჭარის მთავრობა განცხადებით გამოეხმაურა.

„მთავრობის თავმჯდომარემ მედიასთან კომენტარში საზოგადოების მოთხოვნის შემთხვევაში სამომავლოდ კონსერვაციის გეგმის შესაძლებლობაზეც ისაუბრა, თუმცა მიმდინარე წლის ბიუჯეტით ეს ვერ იქნება გათვალისწინებული. ყოველივე ზემოთქმულიდან გამომდინარე, მიზანშეწონილად არ მიგვაჩნია აქციის ფორმა მოწოდებით „ბულვარი კვლავ საფრთხეშია“, მაშინ, როცა მთავარი მოთხოვნები უკვე გათვალისწინებულია“ – ნათქვამია მთავრობის მიერ გავრცელებულ განცხადებაში, სადაც ასევე აღნიშნულია, რომ მთავრობის თავმჯდომარემ, არჩილ ხაბაძემ საზოგადოების ინტერესების გათვალისწინებით მიიღო როგორც სამი ხეივნის აღდგენის, ისე ბულვარის „განვითარების კონცეფციაზე“ მუშაობის შეჩერების გადაწყვეტილება.

საინიციატივო ჯგუფი – „დაიცავი ძველი ბულვარი“ და საზოგადოების ნაწილი ბულვარის ახალ კონცეფციაზე მუშაობის შეწყვეტას და ძველი ბულვარის კონსერვაციას სთხოვს მთავრობას. აქციის ორგანიზატორების თქმით, მოთხოვნის შეუსრულებლობის შემთხვევაში აქციები გაგრძელდება. პეტიციას ძველი ბულვარის შენარჩუნების მოთხოვნით ამ დროისთვის 5000-ზე მეტი ადამიანი აწერს ხელს. ხელმოწერები 17 აპრილს, აქციაზეც გრძელდებოდა.

DSCN9225

აქცია ბათუმის ბულვარის დასაცავად

აქცია ბათუმის ბულვარის დასაცავად

გადაბეჭდვის წესი


ასევე: