ნეტგაზეთი • RU

კრამატორსკი რაკეტებით დაბომბეს, მინიმუმ 1 ადამიანი დაიღუპა – ადმინისტრაციის ხელმძღვანელი

დონეცკის რეგიონული სამხედრო ადმინისტრაციის ხელმძღვანელის, პავლო კირილენკოს ცნობით, ქალაქ კრამატორსკში ძლიერი აფეთქებაა, რუსეთის შეიარაღებულმა ძალებმა ქალაქის ცენტრალურ ნაწილს დაარტყეს, წინასწარი ინფორმაციით, საავიაციო რაკეტებით.

ამის შესახებ კირილენკო ტელეგრამზე წერს და ვიდეოს ავრცელებს.

„ამ დროისთვის ცნობილია სულ მცირე ერთი დაღუპული მშვიდობიანი მოქალაქის შესახებ.

ხანძარი საცხოვრებელ სართულებში გაჩნდა, რომლებიც დარტყმის ეპიცენტრში იყვნენ. შემთხვევის ადგილზე მისული საგანგებო სიტუაციების სახელმწიფო სამსახურის მაშველები ხანძარს აქრობენ და მოსახლეობას დახმარებას უწევენ“ – წერს კირილენკო.

უკრაინული წყაროების ცნობით, ინფორმაცია ზუსტდება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.