მთავარი,სიახლეები

გავანადგურეთ დივერსიული ჯგუფი და შევიპყარით მათი მეთაური – უკრაინის დაზვერვა

18.07.2022 • 11267
გავანადგურეთ დივერსიული ჯგუფი და შევიპყარით მათი მეთაური – უკრაინის დაზვერვა

უკრაინის სამხედრო დაზვერვამ, ეროვნულ გვარდიასა და ტერიტორიული დაცვის ძალებთან ერთად, ხარკოვში, რუსეთის ჩრდილოეთ ფლოტის საზღვაო ქვეითთა სადაზვერვო დივერსიული ჯგუფი გაანადგურა და ტყვედ მისი ერთ-ერთი მეთაური აიყვანა – ინფორმაციას ამის შესახებ უკრაინის თავდაცვის სამინისტრო ავრცელებს.

„დაზვერვის მთავარი სამმართველოს ჯგუფმა სპეცოპერაცია ჩაატარა სოფელ დემენტიევკაში, ხარკოვის ოლქში. აღმოვაჩინეთ ოკუპანტების დიდი დანაყოფი, რომელიც დანგრეულ შენობებში იყო გადანაწილებული. განადგურებულია 36 ოკუპანტი. ბევრი რუსი სამხედრო დაჭრილია,“ – წერს თავდაცვის უწყება.

უწყების აღნიშნავს, რომ უკრაინის ძალებმა აიძულეს მტერი, უკან დაეხია, რის შემდეგაც, დაზვერვის თანამშრომლებმა შეიპყრეს რუსული დაჯგუფების ერთ-ერთი მეთაური, რომელიც სპეცოპერაციისას დაიჭრა.

უკრაინის დაზვერვის ინფორმაციით, ის 1989 წელს ზაპოროჟიეს ოლქში დაბადებული სტანისლავ ტრუტნევია. ტრუტნევი წყალქვეშა დივერსიულ ძალებთან ბრძოლის სპეცდანიშნულების დანაყოფის სამხედროა, რომელიც მანამდე სირიაშიც იბრძოდა. თავდაცვის ცნობით, ის ამჟამად უკრაინის ერთ-ერთი სამედიცინო დაწესებულებაში იმყოფება.

მთავარი ფოტო: სტანისლავ ტრუტნევი/სქრინი უკრაინის თავდაცვის ვიდეოდან

გადაბეჭდვის წესი


ასევე: