დღეს აჭარის უმაღლესი საბჭოს რიგგარეშე სხდომა კდიევ ერთხელ ჩაიშალა, მიზეზი – ქვორუმი არ შედგა. სხდომა, რომელზეც აჭარის უმაღლესი სარჩევნო კომისიის თავმჯდომარე უნდა აერჩიათ უკვე მესამედ ჩაიშალა.
დღეს დაგეგმილი სხდომის დღის წესრიგი ორი საკითხის კენჭისყრას ითვალისწინებდა – ერთი იყო უსკოს თავმჯდომარის, ხოლო მეორე – უსკოს წევრის არჩევა.
უსკოს თავმჯდომარის პოსტზე დასახელებული კანდიდატის დავით კვაჭაძის მიმართ დამოკიდებულება უმაღლესი საბჭოს ოპოზიციურმა ფრაქციებმა არაერთხელ გამოხატეს. ისინი მიიჩნევენ, რომ „ოცნებასთან“ დაახლოებული პირი დავით კვაჭაძე, რომელიც მათივე ინფორმაციით, 2012 წლის არჩევნებზე „ქართული ოცნების“ შტაბში მუშაობდა, პარტიულ დირექტივას ყოველთვის დაექვემდებარება. დეპუტატები არც კოლეგის, ირაკლი ჯაშის შვილის მამუკა ჯაშის მხარდაჭერას გეგმავენ.
დღევანდელ სხდომაზე რეგისტრაცია სულ 9 დეპუტატმა გაიარა: ავთანდილ ბერიძემ, ალექსანდრე ჩიტიშვილმა, ჯემალ ფუტკარაძემ, მედეა ვასაძემ, ანზორ თხილაიშვილმა, აკაკი ძნელაძემ, ირაკლი ჯაშმა, გიორგი მასალკინმა და სვეტლანა კუდბამ.
