რუსეთის პრეზიდენტი, ვლადიმერ პუტინი აცხადებს, რომ რუსეთის „სპეციალური ოპერაციის“ [ასე უწოდებს კრემლი რუსეთის ომს უკრაინაში] მიზნები უკრაინაში არ შეცვლილა.
„მე ვთქვი ამის შესახებ 24 თებერვალს, ადრე დილას, მთელი ქვეყნისა და მსოფლიოს გასაგონად. არაფრის დამატება არ შემიძლია, არაფერი შეცვლილა“ – განაცხადა მან.
მისი თქმით „სპეცოპერაცია“ მიდის გეგმის მიხედვით და არ არის საჭირო მისი დასრულების რაიმე ვადა.
პუტინმა თქვა, რომ ენდობა სამხედრო პროფესიონალებს: „მუშაობა მიმდინარეობს მშვიდად, ჯარები მოძრაობენ და აღწევენ იმ ხაზებს, რომლებიც დასახულია ამ საბრძოლო მუშაობის გარკვეულ ეტაპზე,“ – თქვა მან. .
2022 წლის 24 თებერვალს პუტინმა განაცხადა, რომ დაიწყო „სპეციალური სამხედრო ოპერაცია“, რომლის მიზანია უკრაინის დემილიტარიზაცია და დენაციფიკაცია.
პუტინის განცხადებიდან მალევე დაიწყო შეტევა უკრაინის ქალაქებსა და სოფლებზე, მათ შორის – მასობრივი თავდასხმა კიევზე.