ძლიერ მიწისძვრას ავღანეთში 2800 ადამიანი ემსხვერპლა, ათობით კი დაშავდა. ინფორმაციას BBC-ი ადგილობრივ ოფიციალურ პირებზე დაყრდნობით ავრცელებს.
როგორც გამოცემა წერს, მიწისძვრა მოხდა სამხრეთ-აღმოსავლეთ ქალაქ ხოსტიდან დაახლოებით 44 კილომეტრში, გვიან ღამით, საქართველოს დროით დაახლოებით ღამის პირველ საათზე , როცა ხალხს ჯერ კიდევ ეძინა. ამერიკის შეერთებული შტატების გეოლოგიური სამსახურის ცნობით, მიწისძვრის სიმძლავრე 6.1 მაგნიტუდა იყო 51 კმ სიღრმეზე.
„სამწუხაროდ, გუშინ ღამით მოხდა ძლიერი მიწისძვრა ფაქთიკის პროვინციის ოთხ რაიონში, რომელმაც მოკლა და მძიმედ დააშავა ასობით ჩვენი თანამემამულე. დაინგრა ათობით სახლი“, – დაწერა ტვიტერზე მთავრობის სპიკერმა ბილალ კარიმმა.
სოციალურ ქსელში ვრცელდება ფოტოები, რომლებზეც ასახულია, თუ როგორ გამოჰყავთ ნანგრევებიდან საკაცეებით დაშავებულები.
