რუსეთში თალიბანის საქმიანობა აკრძალული აღარ არის – გადაწყვეტილება დღეს, 17 აპრილს მიიღო რუსეთის ფედერაციის უზენაესმა სასამართლომ, პროკურორის ადმინისტრაციული სარჩელის პასუხად.
მედიის ცნობით, საქმე დახურულ კარს მიღმა განიხილებოდა.
თალიბანის ქვეყანაში მოქმედების ნებართვის მოთხოვნით რუსეთიდან გენერალურმა პროკურატურამ სარჩელი შეიტანა 31 მარტს უზენაეს სასამართლოში. თითქმის ერთი წლით ადრე, 2024 წლის მაისში, რუსეთის საგარეო საქმეთა სამინისტრომ და იუსტიციის სამინისტრომ ასეთი წინადადებით მიმართეს რუსეთის პრეზიდენტს.
თალიბანი აქამდე რუსეთში აკრძალული იყო და აღიარებული ტერორისტულ ორგანიზაციად.
2024 წლის ბოლოს რუსეთის პრეზიდენტმა პუტინმა ხელი მოაწერა კანონს, რომლითაც შესაძლებელია ტერორისტული ორგანიზაციების სიაში მყოფი ორგანიზაციის საქმიანობის აკრძალვის შეჩერება.
ეს რუსეთს საშუალებას მისცემს ავღანეთში მმართველ ძალასთან, თალიბანთან, ლეგალურად ჰქონდეს ურთიერთობა.
___________________
თალიბანი. ფოტო: ევროპის პრესფოტო სააგენტო. EPA/STRINGER
