მთავარი,სიახლეები

მოვუწოდებთ ხელისუფლებას შეწყვიტოს ანტიდასავლური რიტორიკა – EECMD

18.06.2022 • 847
მოვუწოდებთ ხელისუფლებას შეწყვიტოს ანტიდასავლური რიტორიკა – EECMD

„მოვუწოდებთ ხელისუფლებას შეწყვიტოს ანტიდასავლური რიტორიკა, თავიდან აარიდოს ქვეყანას სამოქალაქო დაპირისპირება და მთელი ძალისხმევა მიმართოს საჭირო რეფორმების განხორციელებისკენ“-ამ განცხადებას დემოკრატიის სკოლის კურსდამთავრებულთა ასოციაცია ავრცელებს.

საქართველოს კონსტიტუცია, მუხლი 78 – ევროპულ და ევროატლანტიკურ სტრუქტურებში ინტეგრაცია – აღნიშნული მუხლი პირდაპირ ავალდებულებს სახელმწიფო სტრუქტურებს, უზრუნველყოს საქართველოს ევროპის კავშირსა და ჩრდილოატლანტიკურ ორგანიზაციაში გაწევრიანება.

„თუმცა, ბოლო პერიოდში ხელისუფლების მიერ გადადგმული ნაბიჯები და რიტორიკა, ამ მიმართულებით მიღწეული პროგრესის გამტკიცებას არ ემსახურება. მეტიც, ჩვენს ქვეყანაში მიმდინარე პროცესები ფასდება როგორც დემოკრატიის უკუსვლა და წარმოადგენს დაბრკოლებას ევროპული მომავლის გზაზე.

მოვუწოდებთ ევროკავშირის წევრ ქვეყნებს, გაითვალისწინონ ისტორიული და გეოპოლიტიკური კონტექსტი, ასევე რეგიონში არსებული საფრთხეები და მიანიჭონ საქართველოს ევროკავშირის წევრობის კანდიდატის სტატუსი. ქართველმა ხალხმა წლების განმავლობაში სისხლით, შრომით და ბრძოლით დაამტკიცა თავისი ერთგულება ამ სტრატეგიული არჩევანის მიმართ.

მიგვაჩნია, რომ ევროპული პერსპექტივა არის გზა, რომელსაც ალტერნატივა არ აქვს რუსული ოკუპაციისგან თავის დასაღწევად და განვითარების რელსებზე გადასასვლელად. ამრიგად, კიდევ ერთხელ გამოვხატავთ ურყევ ნებას საქართველოს ევროკავშირში ინტეგრაციისა“-აცხადებს დემოკრატიის სკოლის კურსდამთავრებულთა ასოციაცია ლიანსი.

მათი განცხადებით, კონსტიტუციურმა ორგანოებმა თავიანთი უფლებამოსილების ფარგლებში უნდა მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად.

„დღეს საქართველო დიდი გამოწვევის წინაშე დგას, რომელიც 1921 წლის მოვლენებს შეიძლება შევადაროთ. 24 ივნისს გადაწყდება ჩვენი ქვეყნის მომავალი, საბოლოოდ დავუბრუნდებით ევროპულ ოჯახს, თუ დავკარგავთ ამ ისტორიულ შანსს.

ახლა როგორც არასდროს, მნიშვნელოვანია, საზოგადოება იყოს ერთიანი და კიდევ ერთხელ დავაფიქსიროთ კონსტიტუციით გამყარებული სამოქალაქო კონსენსუსი- საქართველო გახდეს ევროკავშირის და ევროატლანტიკური ალიანსის წევრი.

მოვუწოდებთ ქართველ ხალხს, დავდგეთ ერთად და ერთობლივად დავიცვათ ჩვენი ისტორიული არჩევანი –  ქვეყნის დეკლარირებული დასავლური  კურსი.“-აცხადებენ დემოკრატიული სკოლის ასოციაციის წევრები.

__________________

მსგავს თემაზე:

საქართველოსთვის კანდიდატის სტატუსის მინიჭებას ამ ეტაპზე ევროკომისია მხარს არ უჭერს

გადაბეჭდვის წესი


ასევე: