კიევის ოლქში, ქალაქ ბუჩასთან ახლოს მდებარე სოფელში ახალი სამარხი იპოვეს, სადაც 7 ადამიანის ცხედარია. ისინი რუსებმა აწამეს და შემდეგ თავში გასროლით მოკლეს – ამის შესახებ დღეს, 13 ივნისს, კიევის ოლქის პოლიციის უფროსმა ანდრეი ნებიტოვმა განაცხადა.
ნებიტოვი აცხადებს, რომ ბევრ მსხვერპლს ხელები შეკრული ჰქონდა და მუხლები დაცხრილული.
უკრაინელი სამართალდამცავები დაღუპულების ვინაობის დასადგენად მუშაობენ.
„ეს არის რუსული არმიის მორიგი სადისტური დანაშაული კიევის რეგიონში! ყოველი დანგრეული სიცოცხლისთვის, უკრაინელების ტკივილისა და ტანჯვისთვის, ჩვენი ქალაქებისა და დაბების დანგრევისთვის ოკუპანტებმა პასუხი უნდა აგონ“, – წერს ნებიტოვი.
______________
ფოტოზე: სამარხი ბუჩასთან ახლოს. ფოტო: ანდრეი ნებიტოვი/facebook