ნეტგაზეთი • RU

დარგის ექსპერტების რჩევით აჭარის მთავრობა ბულვარში ნაპირის ხელოვნურ კვებას განაახლებს

დარგის ექსპერტების რჩევით აჭარის მთავრობა ახალ ბულვარში, სანაპიროს ხელოვნურ კვებას გააგრძელებს, რაც პერიოდულად  რამდენიმე ტონა ინერტული მასალის შეტანას გულისხმობს.

ამ პროგრამას აჭარის მთავრობა რამდენიმე წლის წინაც ახორციელებდა, შემდეგ კი უარი თქვა მის განხორციელებაზე – ნაპირის გამაგრება დიდი ზომის ლოდებით დაიწყეს და საზოგადოებას არწმუნებდნენ, რომ ეს მეთოდი გაამართლებდა.

თუმცა ასე არ მოხდა.

ბულვარი შტორმის შემდეგ

წელს გაზაფხულზე შტორმმა ახალ ბულვარში საკმაოდ დიდი ტერიტორია მიიტაცა.

შტორმმა ახალ ბულვარში – ზღვამ სანაპიროს ნაწილი წაიღო | ფოტო

ახლა მთავრობა შეეცდება ძველი მეთოდით სცადოს შეინარჩუნოს ახალი ბულვარის სანაპირო, რომელსაც სტიქია პერიოდულად უტევს. „ჩვენ დაველაპარაკეთ დარგის ექსპერტებს და ახალი ბულვარის გასწვრივ პრომენადის შესანარჩუნებლად ნაპირის ხელოვნურ კვებას დავიწყებთ“, – ამბობს აჭარის ფინანსთა და ეკონომიკის მინისტრი ჯაბა ფუტკარაძე.

10 ივნისს, მინისტრმა, აჭარის უმაღლესი საბჭოს სხდომაზე გასული წლის ბიუჯეტის ანგარიშის წარდგენისას განაცხადა, რომ 2022 წლის ბიუჯეტში ნაპირის ხელოვნური კვებისთვის ნახევარი მილიონი ლარი დაიხარჯება. ბიუჯეტში შესაბამისი ცვლილების შეტანის თხოვნით სამინისტრო უმაღლეს საბჭოს უახლოეს მომავალში მართავს.

52 მილიონად გამაგრებული ნაპირი ბათუმში, სადაც პლაჟის აღდგენას ჯერ არავინ აპირებს

ნეტგაზეთის მასალების სხვა გამოცემებში გადაბეჭდვის წესი
ავტორი