„შავი ზღვის გეოგრაფიული აღნიშვნები/ადგილწარმოშობის პროდუქტები“ – IBDIPC-ის კონფერენცია

3 ივნისს, ქ. ბათუმში „საერთაშორისო ბიზნესის განვითარებისა და ინვესტიციების ხელშეწყობის ცენტრის“ (IBDIPC) ორგანიზებით საერთაშორისო კონფერენცია – „შავი ზღვის გეოგრაფიული აღნიშვნები / ადგილწარმოშობის პროდუქტები“ ჩატარდა.

კონფერენციის თემატიკა მოიცავდა შემდეგ საკითხებს – ადგილწარმოშობის პროდუქტების/ გეოგრაფიული აღნიშვნის არსი, მნიშვნელობა და არსებული სიტუაცია შავი ზღვის რეგიონის ქვეყნებში, ქართული ადგილწარმოშობის პროდუქტების შესახებ ინფორმაცია, მათი რეგისტრაციის / დაცვის მიმართულებით არსებული სიტუაცია და საერთაშორისო თანამშრომლობის ფორმები, ევროპული გამოცდილება ამ სფეროში და ა.შ.

კონფერენციაზე მოწვეული იყვნენ სპიკერები/ექსპერტები შემდეგი ორგანიზაციებიდან – „საქპატენტი“, ღვინის სააგენტო, „OriGin საქართველო“, აგრო პროექტების მართვის კომპანია, საერთაშორისო ექსპერტი GI პროდუქტების მიმართულებით, პროექტის უცხოელი პარტნიორები და ა.შ. კონფერენციის ბოლოს რამდენიმე ადგილობრივმა კომპანიამ („ბებოსია“, „კერკი“, „ჯარას მეფუტკრეთა ასოციაცია“, ბოლნისის აგროცენტრი – ბოლნისის ღვინო) წარმოადგინა თავისი წარმოების / პროდუქტების შესახებ ინფორმაცია და სამომავლო გეგმები.

კონფერენციაზე ასევე ორგანიზებული იყო მცირე საგამოფენო კუთხე, სადაც წარმოდგენილი იყო შავი ზღვის რეგიონის ქვეყნების (საქართველო, თურქეთი, რუმინეთი) პროდუქტები.

კონფერენციას ესწრებოდა 100-ზე მეტი მონაწილე – პროექტის საერთაშორისო პარტნიორები (თურქეთი, რუმინეთი), ადგილობრივი მეწარმეები, ასოციაციები (თაფლის, ღვინის, ჩაის და ა.შ.), სამთავრობო წრეების წარმომადგენლები (სოფლის მეურნეობის სამინისტრო, უმაღლესი საბჭო, საგარეო საქმეთა სამინისტრო, მუნიციპალიტეტები) და ა.შ.

კონფერენციის მეორე დღეს კონფერენციის სტუმრებისთვის ორგანიზებული იყო ინფო-ტური, რომლის ფარგლებში მოინახულეს რამდენიმე ადგილობრივი წარმოება – KTW ღვინის ქარხანა, მშრალი ხილის საწარმო „კერკი“, შატო-ივერი და აჭარისწყილის სანაპიროზე ორგანიზებული აგრო პროდუქტების გამოფენა-გაყიდვა.

ორგანიზაცია IBDIPC, მიმდინარე პროექტის ფარგლებში ასევე ანხორციელებს რამდენიმე მნიშვნელოვან აქტივობას – ტრენინგები (გეოგრაფიოული აღნიშვნების არსის და ე-კომერციის მიმართულებით), ადგილობრივი პროდუქტების გამოფენის ორგანიზება აგვისტოში (ბათუმი, ურეკი), ქართული გეოგრაფიული აღნიშნვების/ადგილწარმოშობის პროდუქტების პოპულარიზაციას და პრომოუშენს სოციალურ მედიის არხებით (ინსტაგრამი –  www.instagram.com/treasuresofgeorgia და  ფეისბუქ გვერდი – www.facebook.com/treasuresofgeorgia ). ასევე, პროექტის უცხოელ პარტნიორებთან ერთად განიხილება სამომავლოდ ახალი პროექტების განვითარება და რეალიზაცია, რაც მიმართული იქნება შავი ზღვის რეგიონის ქვეყნებში GI პროდუქტების პოპულარიზაციისკენ.

კონფერენცია ჩატარდა საერთაშორისო პროექტის „შავი ზღვის გეოგრაფიული აღნიშვნების ქსელი“ (BS GIN – BSB 1191)“ ფარგლებში. პროექტის პარტნიორებია „აღმოსავლეთ შავი ზღვის განვითარების სააგენტოს (DOKA)“ (თურქეთი), ორგანიზაცია „TERNOPOL“ (რუმინეთი) და „საერთაშორისო ბიზნესის განვითარებისა და ინვესტიციების ხელშეწყობის ცენტრი“ – IBDIPC (საქართველო). პროექტი ხორციელდება ევროკავშირის შავი ზღვის აუზის თანამშრომლობის პროგრამის ფარგლებში.

საკონტაქტო ინფორმაცია – ibdipc@gmail.com , 599-482181

ჩანართი მომზადებულია საერთაშორისო ბიზნესის განვითარების და ინვესტიციების ხელშეწყობის ცენტრის (IBDIPC) მიერ. პროექტი დაფინანსებულია ევროკავშირის ევროპის სამეზობლო და საპარტნიორო პოლიტიკის ინსტრუმენტის (ENPI) ფარგლებში – „შავი ზღვის აუზის პროგრამა – 2014-2020“ (www.blacksea-cbc.net). ჩანართის ტექსტში გამოთქმული  მოსაზრებები შესაძლოა არ ემთხვეოდეს ევროკავშირის მოსაზრებებს.

Common borders. Common solutions

www.blacksea-cbc.net