“გახარია წადი” – ბათუმში ევროპული გზის კონფერენციის პარალელურად აქცია მიმდინარეობს

“გახარია წადი”, “shame on you Gakharia”- ამ და სხვა ტრანსფარანტებით ბათუმში საპროტესტო აქცია მიმდინარეობს.

სასტუმრო “შერატონში” დღეს, 11 ივლისს, საერთშორისო კონფერენცია “საქართველოს ევროპული გზა” იწყება, რომელსაც ევროსაბჭოს პრეზიდენტიც ესწრება.

აქციის მონაწილეები სასტუმროს შესასვლელთან შეიკრიბნენ.

“მოვედით იმისთვის, რომ მინისტრი გახარიას ამბავი გაიგოს საერთაშორისო საზოგადოებამ. დავანახოთ ყველას, რომ ამას არ შევეგუებით,” – გვითხრა აქცის ერთ-ერთმა მონაწილე, ზურაბ ხოზრევანიძემ.

საპროტესტო აქციის მონაწილეები ჯერჯერობით არ იშლებიან.

„ღირებული პარტნიორობის 10 წელი – განვლილი გზა და პერსპექტივები“ – წელს კონფერენცია ამ სლოგანით იმართება. ევროსაბჭოს პრეზიდენტის გარდა, კონფერენციას დაესწრებიან: ევროკომისარი ჰუმანიტარული დახმარებისა და კრიზისების მართვის საკითხებში – ქრისტოს სტილიანიდესი, აღმოსავლეთ პარტნიორების ინიციატორი ქვეყნების – პოლონეთის და შვედეთის საგარეო საქმეთა მინისტრები – იაცეკ ჩაპუტოვიჩი და მარგოტ ვალსტრომი, ბულგარეთის ვიცე-პრემიერი ეკატერინა ზაჰარიევა, გერმანიის ევროპულ საქმეთა სახელმწიფო მინისტრი მიხაელ როტი და სხვები.

ამავე თემაზე: 

ბათუმის კონფერენციას წელს პირველად ევროსაბჭოს პრეზიდენტი დაესწრება