ნეტგაზეთი • RU

რეაბილიტირებული მოსწავლე ახალგაზრდობის სასახლე ბათუმში [ფოტო]

ბათუმში,  გამსახურდიას #37 -ში მდებარე ორსართულიანი შენობა, მისი დახვეწილი ფასადით ყოველთვის იქცევდა აქ გამვლელების ყურადღებას. შენობას ხშირად უღებენ ფოტოებს ტურისტები. გასულ წელს მოსაწავლე ახალგაზრდობის სასახლეს სარეაბილიტაციო სამუშაოები ჩაუტარეს.

შენობას კულტურული მემკვიდრეობის ძეგლის სტატუსი აქვს.

მოსწავლე ახალგაზრდობის სასახლე XX საუკუნის დასაწყისით თარიღდება. სპეციალისტების დახასიათებით  შენობის მთავარი, ქუჩისკენ გამავალი ფასადი უხვადაა შემკული კლასიცისტურ-ბაროკული სტილის ნაძერწი ელემენტებით. ნაგებობა კარგი სამშენებლო ოსტატობით ხასიათდება და ეკლექტური არქიტექტურის საინტერესო ნიმუშს წარმოადგენს. სახლი მნიშვნელოვანია ასევე ქუჩის საერთო განაშენიანებისთვის.

შენობის ფოიეს ისევ ამშვენებს ძველი ჭაღი და რკინის მოაჯირი.

მოსწავლე ახალგაზრდობის შენობას სარეაბილიტაციო სამუშაოები  გასულ წელს ჩაუტარდა, პროექტი აჭარის კულტურული მემკვიდრეობის სააგენტომ შეისყიდა, რეაბილიტაციისთვის კი ბათუმის მერიის ბიუჯეტიდან  700 000 ლარი დაიხარჯა.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი