Batumelebi | ბარათაშვილის #37-ში გაცემული იყო ძეგლის რეაბილიტაციის ნებართვა – სააგენტო ბარათაშვილის #37-ში გაცემული იყო ძეგლის რეაბილიტაციის ნებართვა – სააგენტო – Batumelebi
RU | GE  

ბარათაშვილის #37-ში გაცემული იყო ძეგლის რეაბილიტაციის ნებართვა – სააგენტო

აჭარის კულტურული მემკვიდრეობის სააგენტო ბათუმში, ბარათაშვილის #37-ში მდებარე კულტურული მემკვიდრეობის სტატუსის მქონე შენობის ნგრევის საკითხს ეხმიანება.

სააგენტოს განცხადებით, ძეგლზე გაცემული იყო რეაბილიტაციის ნებართვა.

„აჭარის კულტურული მემკვიდრეობის დაცვის სააგენტოს მიერ 2021 წლის 30 აგვისტოს 01-07/80 ბრძანებით გაიცა კულტურული მემკვიდრეობის ძეგლზე (ბარათაშვილის 37/გორგასლის 44) სამუშაოების ნებართვა.

ნებართვის მფლობელის სანებართვო მოწმობით განსაზღვრული სამუშაოები მოიცავდა ინტერიერის და ექსტერიერის სარეაბილიტაციო სამუშაოებს (ასევე სახურავის ბურულის შევსებას კრამიტის ფილებით).

სამუშაოები არ მოიცავს ძეგლის სიმაღლის ცვლილებას.

ნებართვის მფლობელის მიერ სარეაბილიტაციო სამუშაოების წარმოებისას მოხდა სანებართვო პირობებიდან გადახვევა, რაზეც აჭარის კულტურული მემკვიდრეობის დაცვის სააგენტოს სპეციალისტების მიერ შესწავლილ იქნა აღნიშნული საკითხი და მიღებული იქნება მოქმედი კანონმდებლობით გათვალისწინებული შესაბამისი ზომები“ – აცხადებს აჭარის კულტურული მემკვიდრეობის სააგენტო.

ბარათაშვილის 37-ში კულტურული მემკვიდრეობის ძეგლის დანგრევის შესახებ დღეს გახდა ცნობილი. ამ დროისთვის შენარჩუნებულია მხოლოდ ფასადის კედელი.

ამავე თემაზე: 

ბათუმში კულტურული მემკვიდრეობის ძეგლი დაანგრიეს, დარჩენილია მხოლოდ ფასადი

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com