მთავარი,სიახლეები

უკრაინაში ჩინოვნიკი სასწრაფო დახმარების მანქანებით მაქინაციის გამო დააკავეს

01.06.2022 • 1372
უკრაინაში ჩინოვნიკი სასწრაფო დახმარების მანქანებით მაქინაციის გამო დააკავეს

უკრაინის უშიშროების სამსახურის ინფორმაციით, ჩინოვნიკმა ხელი შეუწყო იმ სასწრაფო დახმარების მანქანების კომერციულ გამოყენებას, რომლებიც უკრაინაში ჰუმანიტარული დახმარების სახით იტალიიდან ჩაიტანეს.

უკრაინის უსაფრთხოების სამსახურის სპიკერის, არტემ დეხტიარენკოს თქმით, მანქანები, რომლებიც იტალიიდან ჰუმანიტარული დახმარების სახით ჩაიტანეს, კონკრეტული საავადმყოფოებისთვის უნდა გადაეცათ, თუმცა ჩერნივეცკის გამგებლის მოადგილემ სასწრაფო დახმარების 5 მანქანის მიმღებად ერთ-ერთი რეგიონული სამედიცინო დაწესებულება დაასახელა.

საავადმყოფოს დირექტორმა, თავის მხრივ, მიღებული მანქანები გადააფორმა საკუთარ საქველმოქმედო ორგანიზაციაზე, რათა პაციენტებისთვის ფასიანი სატრანსპორტო მომსახურება გაეწია.

„ბოროტმოქმედები ფულს გამოიმუშავებდნენ მანქანებზე, რომლებიც რეალურად განკუთვნილი იყო სახელმწიფოს სახელით უფასო დახმარებისთვის,” – იუწყება უკრაინის უსაფრთხოების სამსახური.

ამ დროისთვის გამოძიება უკრაინის სისხლის სამართლის კოდექსის 191-ე მუხლის მე-5 ნაწილით მიმდინარეობს.

გადაბეჭდვის წესი


ასევე: