დიდი ბრიტანეთის დაზვერვის ცნობით, რუსეთის ძირითადი სახმელეთო ოპერაციები და მთელი ძალა კვლავაც მიმართულია ლუგანსკის მცირე სექტორზე.
„30-31 მაისს დაძაბული ბრძოლები მიმდინარეობდა სევეროდენცკის ქუჩებში, რუსეთის ჯარები ქალაქის ცენტრს უახლოვდებოდნენ. ახლა ქალაქის ნახევარზე მეტს, სავარაუდოდ, რუსეთის არმია აკონტროლებს, მათ შორის ჩეჩენი მებრძოლები“, – წერს უწყება ტვიტერზე, პირველ ივნისის განახლებაში.
ბრიტანეთის დაზვერვის ინფორმაციით, დონბასის გარეთ, რუსეთი განაგრძობს სარაკეტო დარტყმებს უკრაინის ინფრასტრუქტურაზე.
„სტრატეგიულ ობიექტად რჩება ხიდი, რომელიც აკავშირებს უკრაინას რუმინეთთან და უკრაინის პორტებთან დუნაიზე. ეს პორტები რუსეთის მიერ უკრაინის შავი ზღვის პორტების ბლოკირების შემდეგ, უკრაინული ექსპორტისთვის კრიტიკულად მნიშვნელოვანი გახდა“, – აღნიშნავს უწყება.
გაერთიანებული სამეფოს თავდაცვა უკრაინაში მიმდინარე მოვლენებზე სადაზვერვო ცნობარს ყოველდღიურად აქვეყნებს. 31 მაისის განახლებაში, უწყება მიუთითებდა, რომ რუსეთის მიზანი ახლა დონეცკისა და ლუგანსკის ოლქების სრულად დაპყრობაა.
___
მთავარი ფოტო: ვოლოდიმირ ზელენსკის ფეისბუქგვერდი
