უკრაინის პრეზიდენტის მრჩეველი, მიხაილო პოდოლიაკი, ეხმაურება აფრიკასა და აღმოსავლეთის ქვეყნებთან შედარებით უკრაინისთვის უფრო დიდი საერთაშორისო ყურადღების დათმობაზე დისკუსიას. პოდოლიაკის თქმით, ეს რუსული გავლენის აგენტების მიერ წახალისებული ნარატივია.
მიხაილო პოდოლიაკის განმარტებით, რუსეთის ფედერაციის შეჩერება ყველა ცივილური ქვეყნის მისიაა, რადგან რუსეთისთვის გამარჯვების უფლების მიცემა კაცობრიობას შუა საუკუნეებში დააბრუნებს. უკრაინის პრეზიდენტის მრჩეველი წერს, რომ მსგავს შემთხვევაში „ნებისმიერ ავტოკრატს შეეძლება ომების წამოწყება, ქვეყნების დაპყრობა და ერების განადგურება“.
„რატომ უთმობს მსოფლიო უკრაინას მეტ ყურადღებას, ვიდრე აფრიკას ან აღმოსავლეთს?“ – მსგავსი ნარატივი რუსული გავლენის აგენტების მიერაა წახალისებული. მხოლოდ რუს ბარბაროსებს შეუძლიათ სასწორის პინაზე აწონონ ტრაგედიები. ომი უკრაინაში არ არის ლოკალური კონფლიქტი, არამედ იმას განსაზღვრავს, თუ როგორი იქნება ხვალინდელი მსოფლიო.
რუსეთისთვის გამარჯვების უფლების მიცემა, ნიშნავს პანდორას ყუთის გახსნასა და კაცობრიობის უკან – შუა საუკუნეებში დაბრუნებას. ნებისმიერ ავტოკრატს შეეძლება წამოიწყოს ტერიტორიული კონფლიქტი, დაიპყროს ქვეყნები და გაანადგუროს ერები. რუსეთის ფედერაციის შეჩერება ყველა ცივილური ქვეყნის მისიაა. დრო კიდევ არის, მაგრამ უნდა ვიჩქაროთ,“ – წერს უკრაინის პრეზიდენტის მრჩეველი.
Якщо дозволити 🇷🇺 перемогти, це відкриє скриньку Пандори й відкине людство у темні віки. Кожен лицемірний автократ зможе провокувати територіальні конфлікти, захоплювати країни, нищити народи. Зупинити 🇷🇺 – спільна місія цивілізованих країн. Час ще є, але час поквапитися. (2/2)
— Михайло Подоляк (@Podolyak_M) May 29, 2022
