ლიეტუველმა ტელეწამყვანმა, ანდრიუს ტაპინასმა, 25 მაისს გამოაცხადა, რომ უკრაინის შეიარაღებული ძალებისთვის ბაირაქტარის საყიდლად თანხის შეგროვებას იწყებდა. მან სრული თანხა 3 დღეში შეაგროვა.
როგორც თავდაპირველად ჟურნალისტმა გამოაცხადა, მიზანი 5 მილიონი ევროს შეგროვება იყო. პირველი დღის ბოლოს მან თქვა, რომ უკვე მოხერხდა 2 მილიონზე მეტყი ევროს შეგროვება.
28 მაისს კი ტაპინასმა სოციალურ ქსელში დაწერა, რომ თითქმის მთელი თანხის შეგროვება მოახერხა. „ჩვენ გვაქვს 4,4 მილიონი ევრო. ამ საღამოს დავასრულებთ!“ – განაცხადა ტელეწამყვანმა.
ამის შემდეგ ტელეკომპანია Laisvės-ის ფეისბუქის გვერდზე განაცხადეს, რომ 5 მილიონი ევრო დევს ბაირაქტარის ანგარიშზე: „თითოეული თქვენი ევრო – ეს არის შენატანი ომის დასასრულებლად და დახმარების ხელი უკრაინისთვის“.
ტაპინასმა ხაზგასმით აღნიშნა, რომ Bayraktar TB2-ის შეძენა შეთანხმებულია ლიეტუვისა და თურქეთის თავდაცვის სამინისტროებთან, ასევე, უპილოტო საფრენი აპარატის მწარმოებელთან.
ანდრიუს ტაპინასი არის ლიტველი ჟურნალისტი, მწერალი, ლინგვისტი, მთარგმნელი, რეჟისორი, ლიტერატურათმცოდნე, რადიო და ტელეწამყვანი. ის სახეა ლიეტუვის პოპულარული პროგრამისა – „ფულის თაობა“. ასევე არაერთი პოლიტიკური და სატირული გადაცემის ავტორი.
___
რა ვიცით ბაირაქტარზე
რა არის ბაირაქტარი, რომელსაც უკრაინის „იმედის იარაღს“ უწოდებენ