ნეტგაზეთი • RU

26 მაისს ბათუმის ბოტანიკურ ბაღში შესვლა უფასო იქნება

26 მაისს, საქართველოს დამოუკიდებლობის დღეს, ბათუმის ბოტანიკურ ბაღში შესვლა ყველა მოქალაქისთვის უფასო იქნება.

მსურველებს ბოტანიკური ბაღის მონახულება შეუძლიათ დილის ცხრა საათიდან საღამოს რვა საათამდე.

პირველი მაისიდან ბოტანიკურ ბაღში შესვლის ტარიფი გაიზარდა და 8 ლარის ნაცვლად 10 ლარი გახდა საქართველოს მოქალაქეებისთვის, თუმცა გარკვეულ დღესასწაულებზე, მათ შორის საქართველოს სახელმწიფოებრიობის აღდგენის დღეს, ბაღში შესვლა უფასოა.

თუმცა უცხოელი ვიზიტორები ბაღში უფასოდ შესვლას ვერ შეძლებენ, მათ დადგენილი ტარიფი – 20 ლარი უნდა გადაიხადონ ბაღის დასათვალიერებლად.

ბოტანიკურ ბაღში შესვლა საქართველოს  მოქალაქეებისთვის ასევე უფასო იქნება ბავშვთა დაცვის დღეს, პირველ ივნისს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com