ნეტგაზეთი • RU

რჩება მხოლოდ ფასადი – კიდევ 1 ძეგლის რეაბილიტაცია ბათუმში

ბათუმში, ჭავჭავაძის #22-ში არსებული სახლის ინტერიერი დაანგრიეს, დატოვეს მხოლოდ ფასადი ჭავჭავაძის ქუჩის მხრიდან. სახლს კულტურული მემკვიდრეობის ძეგლის სტატუსი აქვს და სპეციალისტების შეფასებით, „მისი ფასადის მორთულობაში კლასიციზმისა და ბაროკოს სტილთა ნიშნები შეინიშნება“.

კულტურული მემკვიდრეობის სააგენტოს ინფორმაციით, ნებართვა გაცემულია ძეგლის რესტავრაციის პროექტზე, არ იზრდება შენობის სიმაღლე და არ იცვლება ფასადი. სახლის სხვა ნაწილების შენარჩუნება კი მისი მდგომარეობის გამო შეუძლებელი იყო. ძეგლების რეაბილიტაციას ისე, რომ მისი ფასადის გარდა ავთენტური არაფერი რჩება, სპეციალისტები კრიტიკულად აფასებენ:

როცა ძეგლისგან მხოლოდ ფასადი რჩება

ბათუმი: ჭავჭავაძის #22 ფოტო: თედო ჯორბენაძე

მიმდინარე სამუშაოები – ფოტო: თედო ჯორბენაძე

კულტურლი მემკვიდრეობის სააგენტოს იურისტის, თამილა აბუსერიძის ინფორმაციით, „პროექტზე ნებართვა გაცემულია 2019 წელს, რაც ითვალისწინებს ძეგლზე სრული სარეაბილიტაციო სამუშაოების ჩატარებას. ის გულისხმობს ინტერიერში გეგმარებას და ფასადის რესტავრაციას. არ იზრდება ძეგლის სიმაღლე და გაბარიტები.

ხელოვნებათმცოდნის კვლევის მიხედვით, სახლი იმდენად ცუდ მდგომარეობაში იყო, რომ შეუძლებელია მისი შენარჩუნება. მისივე რეკომენდაციის საფუძველზე  გაცემულია სრული რეაბილიტაციის ნებართვა. ჩვენ დეტალურად განვიხილეთ ეს პროექტი, ადგილზე დავათვალიერეთ.

რაც შეეხება სამუშაოებს, ადგილზე იყვნენ ჩვენი თანამშრომლები და სამუშაოები პროექტის შესაბამისად მიმდინარეობს. არანაირი გადაცდომა ამ ეტაპზე არ იკვეთება.“

სააგენტოს ინფორმაციით, კვლევა პროექტზე ხელოვნებათმცოდნე სოფიო სანიკიძემ მოამზადა.

აჭარის კულტურული მემკვიდრეობის სააგენტოსთან შეთანხმებული რენდერი

 

მთავარი ფოტო: არჩილ კახაძე

ნეტგაზეთის მასალების სხვა გამოცემებში გადაბეჭდვის წესი
ავტორი