ნეტგაზეთი • RU

ფინეთმა დაადასტურა, რომ ნატოში განაცხადს შეიტანს – „ეს იტორიული დღეა“

დღეს, 15 მაისს, ფინეთის ხელისუფლებამ, ქვეყნის პრეზიდენტმა საული ნიინისტომ და პრემიერ-მინისტრმა სანა მარინმა ბრიფინგზე განაცხადეს, რომ ფინეთი გააკეთებს განაცხადს ჩრდილოატლანტიკურ ალინასში, ნატოში გასაწევრიანებლად.

ფინეთის საზოგადოებრივი მაუწყებლის ცნობით, პრეზიდენტმა ნიინისტომ განცხადება ფინურ, შვედურ და ინგლისურ ენებზე გააკეთა და თქვა, რომ ფინეთი ახალ ეპოქაში შედის.

„ეს ისტორიული დღეა“, – განაცხადა ფინეთის პრეზიდენტმა.

ფინეთმა და შვედეთმა ნატოში გაწევრიანების სურვილის შესახებ  უკრაინაში საომარი ვითარების დაწყების შემდეგ განაცხადეს.

სავარაუდოდ დღეს გახდება ცნობილი კიდევ ერთი სკანდინავიური ქვეყნის, შვედეთის გადაწყვეტილება ნატოში შესვლის შესახებ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com