უკრაინის პრეზიდენტის მრჩეველი, მიხაილო პოდოლიაკი ტვიტერზე აქვეყნებს „საერთაშორისო გამჭვირვალობა – საქართველოს“ მიერ გამოქვეყნებულ ინფოგრაფიკას ბიძინა ივანიშვილის ნათესავების რუსულ ბიზნესკავშირებზე.
„საერთაშორისო გამჭვირვალობა – საქართველომ აჩვენა, რატომ თქვა უარი საქართველოს მთავრობამ რუსეთის წინააღმდეგ რაიმე სანქციების განხილვაზე. რა თქმა უნდა, ადგილობრივი ოლიგარქის, ივანიშვილის რუსული ბიზნესის გამო. დავით არახამია გვთავაზობს მკაცრი სანქციების დაწესებას მის [ივანიშვილის] წინააღმდეგ. ყველა პრორუსი ოლიგარქი აღმოჩნდება „დეოლიგარქიზაციის“ წინაშე“ – წერს პოდოლიაკი „ტვიტერზე“.
.@Transparency_GE showed why the 🇬🇪 government refused to consider any sanctions on 🇷🇺. Of course, because of the 🇷🇺 business of the local oligarch Ivanishvili. David Arakhamia offers to impose tough sanctions against him. Every pro-🇷🇺 oligarch will face “de-oligarchization” pic.twitter.com/bqdhoMvq9V
— Михайло Подоляк (@Podolyak_M) April 28, 2022
25 თებერვალს უკრაინის მმართველი პარტიის საპარლამენტო ფრაქციის თავმჯდომარემ, დავით არახამიამ ევროკავშირს და ამერიკის შეერთებულ შტატებს ბიძინა ივანიშვილისა და მისი აქტივების წინააღმდეგ დასავლეთში პირადი სანქციების დაწესების განხილვისკენ მოუწოდა.
„საქართველოს დღევანდელი ხელისუფლების პოლიტიკის არსი უბრალოდ კრემლის მითითებების შესრულებაა. ეს არის მათი რიტორიკის – რუსეთის მიერ უკრაინის წინააღმდეგ ჩადენილი სამხედრო დანაშაულების არაღიარებისა და რუსეთისთვის სანქციების გვერდის ავლაში დახმარების მიზეზი,“ – დაწერა არახამიამ ტელეგრამის არხზე.
ამავე თემაზე: