ნეტგაზეთი • RU

ქარისგან დაზიანებული ავტობუსის მოსაცდელი ბათუმში რამდენიმე დღეა ვერ შეაკეთეს

ბათუმში, გორგილაძის ქუჩაზე ავტობუსის მოსაცდელი რამდენიმე დღის წინ დაზიანდა. მოსაცდელი ამ დრომდე არ შეუკეთებიათ.

ბათუმის მერიის პრესცენტრის ინფორმაციით, მოსაცდელი ძლიერმა ქარმა დააზიანა და მიმდინარეობს აღდგენითი სამუშაოები. აქ გვითხრეს, რომ უახლოეს პერიოდში დასრულდება სამუშაო.

როდის დაზიანდა მოსაცდელი, რატომ ვერ მოხერხდა ამ დრომდე მისი შეკეთება? – მერიის პრესცენტრში კითხვებზე პასუხს დაგვპირდნენ, თუმცა სამუშაო დღის ბოლომდე ვერ მოგვაწოდეს.

ავტობუსების მოსაცდელების შეკეთებაზე მერიასთან გაფორმებული ხელშეკრულების საფუძველზე კომპანია „ალმა“ მუშაობს.

მოსაცდელი გორგილაძის ქუჩაზე

 

ნეტგაზეთის მასალების სხვა გამოცემებში გადაბეჭდვის წესი
ავტორი