სირიელ მებრძოლებს სთავაზობენ თვეში 5000 ფუნტს [6400-ზე მეტი დოლარი], რუსეთის ფრონტზე უკრაინის წინააღმდეგ ომში – წერს BBC-ი.
„ბიბისის“ ცნობით, ერთმა სირიელმა მებრძოლმა თქვა, რომ ის მოხალისედ წავიდა შეთავაზებული თანხის გამო, მის ოჯახს არ სურდა მისი წასვლა, მაგრამ მას უთხრეს, რომ ოჯახს 37 000 ფუნტს გადაუხდიან, თუ ამ ომში ის დაიღუპება.
ჯარისკაცი ამბობს, რომ იცნობს სულ მცირე 200-მდე ადამიანს სირიიდან, რომლებიც მოხალისეები არიან და რუსეთის მხარეს იბრძვიან ამ ომში.
რუსეთის პრეზიდენტმა ვლადიმერ პუტინმა 11 მარტს განაცხადა, რომ მხარს უჭერს თავდაცვის მინისტრის, სერგეი შოიგუს ინიციატივას, რომ უკრაინაში ბრძოლებში ჩაერთონ უცხოელი მებრძოლები, მათ შორის, ახლო აღმოსავლეთიდან.
_____________
ფოტოზე: ომი უკრაინაში, დაბომბილი ხერსონი.
