მთავარი,სიახლეები

შავი ზღვის სანაპიროზე კიდევ ერთი ნაღმი აღმოაჩინეს – თურქეთის თავდაცვა

28.03.2022 • 1924
შავი ზღვის სანაპიროზე კიდევ ერთი ნაღმი აღმოაჩინეს – თურქეთის თავდაცვა

თურქეთის თავდაცვის სამინისტრომ თურქეთის ტერიტორიულ წყლებში, შავ ზღვაში, კიდევ ნაღმის აღმოჩენის შესახებ განაცხადა.

„ბულგარეთის საზღვართან ახლოს, იგნეადას დასახლების სანაპიროსთან, საზღვაო ნაღმი იპოვეს“, – აცხადებს თურქეთის თავდაცვის სამინისტრო.

სამინისტროს განცხადებით, ნაღმის გასანეიტრალებლად შემთხვევის ზონაში გაგზავნეს საზღვაო სპეცდანიშნულების ჯგუფი.

პირველი ნაღმი თურქეთში, შავი ზღვის სანაპიროზე შაბათს, 26 მარტს, აღმოაჩინეს, სტამბოლთან ახლოს.

„კვლევის შედეგად დადგინდა, რომ ეს იყო ძველი სტილის ნაღმი. ამ საკითხზე რუსეთისა და უკრაინის ხელისუფლებასთან მოლაპარაკებები მიმდინარეობს“, – განაცხადა თურქეთის თავდაცვის მინისტრმა ჰულუს აკარმა.

იმავე დღეს თურქეთმა შავ ზღვაში თევზაობა შეაჩერა უსაფრთხოების მიზნით.

მედიის ცნობით, რუსეთმა რამდენიმე დღის წინ განაცხადა, რომ საბრძოლო მოქმედებების დროს რამდენიმე ნაღმი დინებამ წაიღო უკრაინის პორტებიდან.

__________________

ფოტო: სააგენტო „ანადოლუ“

 

გადაბეჭდვის წესი


ასევე: