მთავარი,სიახლეები

უკრაინაში დაიღუპა ქართველი მოხალისე, რომელიც აფხაზეთიდან იყო

26.03.2022 • 1492
უკრაინაში დაიღუპა ქართველი მოხალისე, რომელიც აფხაზეთიდან იყო

დღეს, 26 მარტს, უკრაინაში, ქალაქ ირპენთან ახლოს, კიდევ ერთი ქართველი მებრძოლი, დავით გობეჯიშვილი დაიღუპა. როგორც უკრაინაშ მყოფი ერთ-ერთი ქართველი მოხალისე „ბათუმელებს“ ეუბნება, დავით გობეჯიშვილი უკრაინაში დაახლოებით 3-4 დღეა რაც იბრძოდა, ის დაბომბვის დროს დაიღუპა.

დაღუპულის მეუღლე „მთავართან“ საუბარში ამბობს, რომ დავით გობეჯიშვილი აფხაზეთიდან იყო, იბრძოდა 2008 წლის აგვისტოს ომშიც.

დავით გობეჯიშვილი დაახლოებით 50 წლის იყო.

ეს უკვე მეოთხე ქართველია, რომელიც რუსეთ-უკრაინის ომში დაიღუპა. მანამდე ირპენში დაიღუპნენ დავით რატიანი და გია ბერიაშვილი, ბახვა ჩიქობავა კი – მარიუპოლთან ბრძოლების დროს.

რატიანი და ბერიაშვილი საქართველოში გუშინ ჩამოასვენეს, ჩიქობავას გადმოსვენება კი ამ დრომდე ვერ ხერხდება, რადგან ქალაქი მარიუპოლი ალყაშია და ინტენსიურად იბომბება.

დავით რატიანის და გია ბეროშვილის ჩამოსვენების დროს, აეროპორტში საქართველოს პრეზიდენტი სალომე ზურაბიშვილიც მივიდა, მთავრობის სხვა წარმომადგენლები სამგლოვიარო პროცესიას არ დასწრებიან.

გადაბეჭდვის წესი


ასევე: