„ენერგო-პრო ჯორჯიას“ ინფორმაციით, გეგმური სარეაბილიტაციო სამუშაოების გამო 16 მარტს ელექტროენერგიის მიწოდება შეეზღუდებათ ბათუმში, ქობულეთსა და ხულოში მცხოვრებ ქსელში ჩართულ აბონენტებს.
- ბათუმში – 12:00-დან 18:00 საათამდე ელექტროენერგიის მიწოდება შეუწყდება ურეხის დასახლებასა და მიმდებარე ტერიტორიების ნაწილს.
- ქობულეთში – 11:00-დან 13:40 საათამდე დენი მონაცვლეობით გაითიშება ფიჭვნარისა და ჩოლოქის დასახლებების ნაწილში. ასევე, დავით აღმაშენებლისა და რუსთაველის ქუჩებზე.
- ხულოში – 09:00-დან 20:00 საათამდე დენის მიწოდება შეწყდება დიოკნისში, ჯვარიქეთში, ღურტასა და მიმდებარე სოფლებში.
კომპანიის ცნობით, აბონენტებს დენს სამუშაოების დასრულებისთანავე მიაწვდიან.