Batumelebi | 15 მარტს სკოლებში სწავლა განახლდება 15 მარტს სკოლებში სწავლა განახლდება – Batumelebi
ნეტგაზეთი • RU

15 მარტს სკოლებში სწავლა განახლდება

ხვალ, 15 მარტს, სკოლებში სასწავლო პროცესი განახლდება. სკოლებში საგაზაფხულო არდადეგები 8 მარტს დაიწყო.

როგორც აჭარის განათლების სამინისტროში გვითხრეს, სკოლის პედაგოგების ტესტირება კორონავირუსზე ხვალიდან განახლდება. არადადეგების დროს ტესტირება შეჩერებული იყო.

განათლების მინისტრის ბრძანებით, სკოლები და სხვა საგანმანათლებლო დაწესებულებები ვალდებულნი არიან დაიცვან კოვიდრეგულაციებთან დაკავშირებული წესები.

ბოლო მონაცემებით, ქვეყნის მასშტაბით სრულად დისტანციურზე 32 სკოლა სწავლობდა, დისტანციურად მუშაობდა 97 მასწავლებელი.

ახალი რეგულაციის მიხედვით, სკოლის მასწავლებლებს კორონავირუსზე ტესტირება კვირაში ერთხელ უტარდებათ. PCR ტესტის ჩატარების ვალდებულება აღარ არსებობს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com