კოსმეტიკისა და პარფიუმერიის მწარმოებელი ცნობილი ამერიკული ბრენდი „ესტე ლაუდერი“ რუსეთს ტოვებს.
კომპანიის განცხადებაში ნათქვამია, რომ კომპანია შოკირებულია რუსეთის უკრაინაში შეჭრით და მხარს უჭერს უკრაინელ ხალხს. განცხადებაში აღნიშნულია, რომ კომპანია 1 მლნ დოლარს გამოყოფს უკრაინაში ომით დაზარალებულთა დასახმარებლად.
კომპანია რუსეთში დასაქმებულ პირებს კომპენსაციას და მხარდაჭერას ჰპირდება.
„ესტე ლაუდერი“ საკუთარი სახელით გამოსული პროდუქციის გარდა მსოფლიოში 30-მდე ბრენდის მეპატრონეა. მათ შორისაა: Clinique, MAC Cosmetics-ი და ა.შ. ასევე, კომპანია აწარმოებს სუნამოებს მოდის სახლებისთვის: DKNY-სა და Tom Ford-ისთვის.
რუსეთს ნაწილობრივ ტოვებს ჰიგიენური საშუალებების მწარმოებელი ცნობილი ბრენდი Procter & Gamble, რომელიც აწარმოებს სარეცხ საშუალებებს [„არიელი“, „ტაიდი“, „ფეირი“], პირის ღრუს მოვლის საშუალებებს, საპარსებსა და „პამპერსს“.
რუსულ ბაზარზე Procter & Gamble-ის პროდუქცია შემცირდება და ქვეყანაში შეწყდება კომპანიის მიერ წარმოებული პროდუქტის რეკლამა და მარკეტინგი.
