უკრაინის თავდაცვის სამინისტრომ მტრის დანაკარგების შესახებ მონაცემები განაახლა. სამინისტროს ინფორმაციით, 8 მარტის დილის მდგომარეობით, რუსეთ-უკრაინის ომში რუსეთის არმიის დაახლოებითი საბრძოლო დანაკარგები ამ დროისთვის ასეთია:
- პერსონალი – თითქმის 12 ათასი ადამიანი
- ტანკი – 303 ერთეული
- ჯავშანტექნიკა – 1036 ერთეული
- საარტილერიო სისტემა -120
- MLRS – 56
- საჰაერო თავდაცვის საშუალება – 27
- თვითმფრინავი – 48
- ვერტმფრენი – 80 ერთეული
- საავტომობილო აღჭურვილობა – 474
- გემი / ნავები – 3 ერთეული
- საწვავის ავზი – 60
- უპილოტო საფრენი აპარატის ოპერატიული და ტაქტიკური დონე – 7
უკრაინის თავდაცვის სამინისტრო აცხადებს, რომ საომარი მოქმედებების მაღალი ინტენსივობის გამო მონაცემები იცვლება.
მე-13 დღეა, რაც რუსეთი უკრაინაში შეიჭრა და სრულმასშტაბიანი ომი დაიწყო. რუსეთი ბომბავს ქალაქებსაც, დაღუპულია ასობით მშვიდობიანი მოქალაქე. ძირითადად ევროკავშირის ქვეყნების მიმართულებით ქვეყანა დატოვა 1.5 მილიონზე მეტმა ადამიანმა. ეს არის მეორე მსოფლიო ომის შემდეგ ევროპაში ყველაზე მასშტაბური და სწრაფი ლტოლვილთა კრიზისი.
უკრაინის გენშტაბი იუწყება, რომ რუსეთის ფედერაციის ჯარები შეტევას აგრძელებენ, მაგრამ „ჯარისკაცთა წინსვლის ტემპი მნიშვნელოვნად შენელებულია“.
ამავე თემაზე:
https://batumelebi.netgazeti.ge/news/394897/
