„რუსეთის მონებო!“, „Путин хуйло!“, „მომავალს გვინგრევთ!“ – ასეთი შეძახილებით მივიდნენ დღეს, პირველ მარტს, აჭარის მთავრობასთან საქართველოს მოქალაქეები. ისინი მთავრობის ოფიციალურ პოლიტიკას აპროტესტებენ უკრაინაში მიმდინარე ომის ფონზე და ამბობენ, რომ მთავრობა სათანადო მხარდაჭერას არ გამოხატავს ომში მყოფი უკრაინელი ხალხის მიმართ.
საპროტესტო აქცია აჭარის მთავრობასთან
ფოტო: ლელა დუმბაძე/ბათუმელები
აქციის მონაწილეების განცხადებით, საქართველოს მთავრობა ქართველ ხალხს ისტორიულ შანსს უკარგავს, რომ დღეს უკრაინასთან ერთად გახდეს ევროკავშირის წევრი.
პოლიციამ პუტინის გინების გამო აქციის მონაწილეები დააკავა. ფოტო: ლელა დუმბაძე/ბათუმელები
„რუსი ხარ?“, ნუთუ თქვენი შვილების არ შეგრცხვებათ?“ – მიმართავდნენ მოქალაქეები პოლიციელებს, რომლებმაც ათი ადამიანი დააკავეს პროტესტის გამო.
„მოღალატე მთავრობა“ – საპროტესტო აქცია ბათუმში.
ფოტო: ლელა დუმბაძე/ბათუმელები
„პუტინ ხუილოს“ გარდა აქციაზე „ხუილო ოცნებაც“ ისმოდა მოქალაქეებისგან.
ფოტო: ლელა დუმბაძე/ბათუმელები
მოქალაქეების პროტესტი მთავრობას.
ფოტო: ლელა დუმბაძე/ბათუმელები
მოქალაქეების თქმით, პრემიერ-მინისტრის განცხადებების გამო შეურაცხყოფილია ქართული საზოგადოება, რადგან საქართველოს მთავრობა უკრაინელ ძმებს ომის დროს გვერდით არ დაუდგა.
ფოტო: ლელა დუმბაძე/ბათუმელები
„საქართველოს მთავრობა ყველა ზღვარს გასცდა“, „ემსახურეთ სამართალს და არა მტერს“ – ასე მიმართავენ მოქალაქეები საქართველოს მთავრობას და პოლიციას. ფოტო: ლელა დუმბაძე/ბათუმელები
„არასდროს არ ვიქნებით რუსული ჩექმის ქვეშ!“ – აცხადებენ აქციის მონაწილე მოქალაქეები. მათი თქმით, რუსეთი კლავს და ხმა უნდა ამოვიღოთ მის წინააღმდეგ.
„მეგობარს მარტო არ ტოვებენ, რა გინდათ და ვინ ხართ, რას ერჩით ამ ქვეყანას, ირაკლი ღარიბაშვილო, რატომ ეპყრობი ქვეყანას უდიერად?“- მოქალაქეების თქმით, საქართველოს არჩევანი არის ევროპა და ისინი არასდროს დადგებიან მკვლელი პუტინის მხარეს.
საპროტესტო აქცია მთავრობის წინააღმდეგ
ფოტო: ლელა დუმბაძე/ბათუმელები
