განათლება,მთავარი,სიახლეები

აჭარაში 31 სკოლა დისტაციურად სწავლობს კოვიდის გამო

07.02.2022 • 1397
აჭარაში 31 სკოლა დისტაციურად სწავლობს კოვიდის გამო

აჭარის განათლების სამინისტროს ინფორმაციით, 7 თებერვლის მდგომარეობით, აჭარაში სრულად დისტანციურ სწავლებაზე 31 სკოლაა გადასული.

კორონავირუსის გავრცელების გამო ბათუმში 15 სკოლა სწავლობს დისტანციურად, ხელვაჩაურში – 2, ქობულეთში – 4, ქედაში – 5, შუახევში – 1 და ხულოში 4 სკოლა გადავიდა დისტანციურ სწავლებაზე.

განათლების სამინისტროს ინფორმაციით, ქვეყნის მასშტაბით კორონავირუსით მასწავლებელთა 5,8 და მოსწავლეების 2,1 პროცენტია ინფიცირებული.

მასწავლებლებისა და სკოლის პერსონალის ვაქცინაციის მაჩვენებელი ამ დროისთვის 73.6 პროცენტია.

რისკის ჯგუფიდან გამომდინარე დისტანციურ ფორმატში 146 მასწავლებელი მუშაობს.

ბოლო 24 საათში კორონავირუსის 11 235 ახალი შემთხვევა დადასტურდა ქვეყანაში.

გადაბეჭდვის წესი


ასევე: