მთავარი,სიახლეები

ბათუმის პარკში შავი სკამები გათეთრდა და გაიტანეს

31.01.2022 • 3380
ბათუმის პარკში შავი სკამები გათეთრდა და გაიტანეს

ბათუმის ცენტრალურ პარკში განთავსებული შავი სკამების ნაწილმა ფერი შეიცვალა – წვიმისა და თოვლის შემდეგ სკამები გათეთრდა. დღეს, 31 იანვარს, პარკიდან სკამები გაიტანეს.

ადგილზე „ბათუმელებს“ უთხრეს, რომ ფერის შეცვლის მიზეზი საღებავი გახდა და სკამები ხელახლა შესაღებად წაიღეს.

„ბათუმელებს“ მერიის კეთილმოწყობის სამსახურში უთხრეს, რომ აღნიშნული დაზიანების აღმოფხვრას უზრუნველყოფს კონტრაქტორი კომპანია – „თითოეულ პროექტს გააჩნია საგარანტიო ვადა მსგავსი და სხვა ტიპის ტექნიკური დაზიანების აღმოფხვრისთვის“.

ერთი სკამის შესაძენად მერიამ 4 500 ლარი გადაიხადა. ქვის ახალი სკამებისთვის ბათუმის ბიუჯეტიდან ჯამში 1 მილიონამდე ლარი დაიხარჯა. მერიის ტენდერში მხოლოდ ერთი კომპანია მონაწილეობდა და გამარჯვებულიც ის გახდა – შპს „გეოლოდი“.  გარდა სკამებისა, პარკში დამონტაჟებულია ქვის მაგიდებიც.

ფერშეცვლილი სკამები პარკში. ფოტო: „ბათუმელები“/მარიამ მუთიძე

ფერშეცვლილი სკამები პარკში. ფოტო: „ბათუმელები“/მარიამ მუთიძე

ფერშეცვლილი სკამები პარკში. ფოტო: „ბათუმელები“/მარიამ მუთიძე

გადაბეჭდვის წესი


ასევე: