Batumelebi | 16,4 მილიონი ლარი კოლეჯ „ბლექსის“ ახალი შენობისთვის ბათუმში – ტენდერი 16,4 მილიონი ლარი კოლეჯ „ბლექსის“ ახალი შენობისთვის ბათუმში – ტენდერი – Batumelebi
ნეტგაზეთი • RU

16,4 მილიონი ლარი კოლეჯ „ბლექსის“ ახალი შენობისთვის ბათუმში – ტენდერი

კოლეჯი „ბლექსი“-ს შენობის მშენებლობაზე საგანმანათლებლო და სამეცნიერო ინფრასტრუქტურის განვითარების სააგენტომ ტენდერი 16 420 243 ლარით გამოაცხადა. კოლეჯის ახალი შენობა ბათუმში, სვიშევსკის ქ N1-ში უნდა აშენდეს.

„პროექტით გათვალისწინებულია 3-სართულიანი შენობა, შეკიდული ვიტრაჟული სისტემით, უმეტეს ნაწილზე გამოყენებულია საჩრდილობლები
კომპოზიტური პანელებით. პირველ სართულზე ძირითადად განლაგებულია სახელოსნოები, სასადილო დარბაზი სამზარეულოთი, ჰოლი სპორტული სივრცით. II და III სართულებზე – ადმინისტრაციული ნაწილი და აუდიტორიები. III სართულზე განთავსებულია საერთო საცხოვრებელი.

ფასადზე გამოყენებულია ალუმინის რუხი ფერის ვიტრაჟები და სახურავზე ლითონის ბაგირიანი მოაჯირები. ტერიტორიის შიდა ეზო არის მთლიანდ მოპირკეთებული ბეტონის ფილის ბილიკებით. შენობის კონსტრუქცია მონოლითური რკინა-ბეტონისაა ურიგელო სისტემით. სახურავზე გამოყენებულია ბრტყელი გადახურვა“ – აღნიშნულია პროექტის განმარტებით ბარათში.

კოლეჯ „ბლექსის“ ახალი შენობის მშენებლობა ტენდერში გამარჯვებულთან ხელშეკრულების გაფორმებიდან 24 თვეში [720 დღეში] უნდა დასრულდეს.

ტენდერში წინადადებების მიღება 2022 წლის 16 თებერვალს დაიწყება და 21 თებერვალს დასრულდება.

აჭარის მთავრობა ბათუმში, თავდადებულის #61-ში ახალი საჯარო სკოლის მშენებლობას გეგმავს. ამ მიზნით ბათუმის მერიას კოლეჯ „ბლექსის“ სარგებლობაში არსებულ მიწის ნაკვეთს [2775 კვ.მ.] და მასზე განთავსებულ ისტორიულ შენობას სთხოვს. მთავრობის ინფორმაციით, კოლეჯი „ბლექსი“  თავდადებულის ქუჩაზე არსებული შენობით მაინც არ სარგებლობს, რადგან შენობა ამორტიზებულია და ეს ექსპერტიზის დასკვნითაც დასტურდება:

ამავე თემაზე:

კოლეჯ „ბლექსის“ ახალი შენობა ბათუმში „კომაროვის სკოლასთან“ აშენდება

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com